मुंबईची बदनामी केल्याप्रकरणी कंगनावर कारवाई करा | आ. प्रताप सरनाईकांची मागणी

मुंबई, ७ सप्टेंबर : शिवसेना आमदार प्रताप सरनाईक यांची कंगना रनौतवर कारवाईची मागणी केली आहे. मुंबईची बदनामी केल्याप्रकरणी विधानसभा अध्यक्षांकडे कारवाई करण्याची मागणी आमदार प्रताम सरनाईक यांनी केली आहे. अध्यक्षांनी गृह विभागाला 24 तासात अहवाल देण्याच्या सूचना दिल्या आहेत.

प्रताप सरनाईक यांनी ट्विट करत म्हटलं की, ‘मुंबईची पाकव्याप्त काश्मीर व तालिबानशी तुलना करून बेछूट आरोप करणाऱ्या कंगनावर योग्य ती कारवाई करण्याची लेखी विनंती मी आज विधानसभा अध्यक्षांना केली. त्यांनी गृहमंत्र्यांना याची तातडीने चौकशी करून 24 तासात अहवाल सादर करण्यास सांगितले.’

मुंबईची पाकव्याप्त काश्मीर व तालिबानशी तुलना करून बेछूट आरोप करणाऱ्या कंगनावर योग्य ती कारवाई करण्याची लेखी विनंती मी आज विधानसभा अध्यक्षांना केली. त्यांनी गृहमंत्र्यांना याची तातडीने चौकशी करून 24 तासात अहवाल सादर करण्यास सांगितले आहे. pic.twitter.com/CGfrQM0E5H

— Pratap Sarnaik (@PratapSarnaik) September 7, 2020

दरम्यान, याआधी प्रताप सरनाईक यांनी कंगना रानौत मुंबईत आली तर आमच्या रणरागिणी तिचे थोबाड फोडल्याशिवाय राहणार नाहीत, असे ट्विट केले होते. त्यामुळे राष्ट्रीय महिला आयोगाने प्रताप सरनाईक यांना अटक करण्याची मागणी केली होती. मात्र, प्रताप सरनाईकांनी आपल्या विधानावर ठाम असल्याचे म्हटले होते.

कंगना रानौतला शिवसेना खासदार संजय राऊत यांनी सौम्य शब्दांत समज दिली. ती इथे आली तर आमच्या रणरागिणी तिचे थोबाड फोडल्याशिवाय राहणार नाहीत. उद्योजक व सेलिब्रिटी घडवणाऱ्या मुंबईची तुलना पाकव्याप्त काश्मीरशी करणाऱ्या कंगना रानौतला देशद्रोही म्हणून गुन्हा दाखल करण्याची मी गृहमंत्र्यांना मागणी करणार आहे, असे प्रताप सरनाईक म्हणाले होते.

News English Summary: Shiv Sena MLA Pratap Saranaik has demanded action against Kangana Ranaut. MLA Pratap Saranaik has demanded action against the Speaker of the Assembly for defaming Mumbai. The president has instructed the home department to report within 24 hours.

News English Title: Take action against Kangana for defaming Mumbai demands Shivsena MLA Pratap Saranaik Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.