मुंबईतील वांद्रे परिसरात इमारतीचा भाग कोसळला | एकाचा मृत्यू,७ जण जखमी

मुंबई, ०७ जून | मुंबईतील वांद्रे परिसरात एका इमारतीचा भाग कोसळला आहे. यात एका व्यक्तीचा जागीच मृत्यू झाला. तर सात जण जखमी झाले असून जखमींवर जवळच्या रुग्णालयात उपचार सुरु आहेत. मिळालेल्या माहितीनुसार, मुंबईतील वांद्रे परिसरात बेहराम पाडा परिसरात चार मजली रझाक चाळ आहे. काल (रविवारी 6 जून) रात्री 2 च्या सुमारास या 4 मजली इमारतीच्या स्लॅबचा काही भाग कोसळला. या दुर्घटनेत एका व्यक्तीचा मृत्यू झाला आहे. तर सात जण जखमी झाले आहेत. सध्या जखमींना जवळच्या रुग्णालयात उपचारासाठी दाखल करण्यात आले आहे.

#UPDATE | A total of 17 persons were rescued after a wall of a house collapsed on another house in Kherwadi Road area, Bandra East at 1.45 am. At least five persons have sustained injuries in the incident: Brihanmumbai Municipal Corporation (BMC)#Maharashtra

— ANI (@ANI) June 7, 2021

सद्यस्थितीत घटनास्थळी रेस्क्यू ऑपरेशन सुरु आहे. या ठिकाणी सध्या अग्निशमन दलाचे जवान, स्थानिक पोलीस उपस्थित आहेत. या अपघातानंतर अग्निशमन दलाचे जवान ढिगारा हटवण्याचे काम करत आहेत. ढिगाऱ्याखाली कोणी अडकलेले नाही ना याची खातरजमा केली जात आहे. जिथे घराचा भाग कोसळला ती जागा अतिशय चिंचोळी आहे. दुर्घटना घडली त्यावेळी मुंबईत जोरदार पाऊसही बरसत होता. परिणामी अग्निशमन दलाच्या जवानांना ढिगारा हटवण्यासाठी अडचणींचा सामना करावा लागत होता.