VIDEO | पिंपळाला लागलाय आंबा? | व्हिडीओ'मागील सत्य समोर आलं

देहरादून, ०४ जून | तुम्ही कधी पिंपळाच्या झाडावर आंबा पाहिलाय? नाही ना? पण समाज माध्यमांवर सध्या एक व्हिडीओ तुफान व्हायरल झाला आहे. पिंपळाच्या झाडावर आंबा लागल्याचा दावा व्हिडीओसोबत केला जात आहे. हा व्हिडीओ उत्तराखंडच्या ऋषीकेशमधील असल्याचा दावा आहे. ऋषीकेशच्या त्रिवेणी घाटाजवळ असलेल्या पोलीस चौकीजवळील पिंपळाच्या झाडावर तीन आंबे पाहिल्याचं मी माझ्या डोळ्यांनी पाहिलं आहे, असा मजकूर व्हिडीओसोबत आहे.

पिंपळाच्या झाडाला आंबे हा चमत्कार असल्याचा अनेकांचा दावा आहे. मात्र सत्य वेगळं आहे. व्हायरल व्हिडीओसोबत केला जाणारा दावा पूर्णपणे चुकीचा असल्याचं पडताळणीत समोर आलं.

VIDEO | पिंपळाला लागलाय आंबा? | व्हिडीओमागील सत्य समोर आलं Read Here: https://t.co/eI1Ttb2UoU pic.twitter.com/XQYNdq1wpp

— महाराष्ट्रनामा न्यूज (@MahaNewsConnect) June 4, 2021

वास्तविक काही दिवसांपूर्वी या परिसरात वादळ आलं होतं. सोसाट्याचा वारा सुटल्यानं जवळच असलेल्या आंब्याच्या झाडाच्या काही फांद्या तुटल्या आणि त्या पिंपळाच्या फांद्यांमध्ये जाऊन अडकल्या. आंब्याच्या झाडाच्या तुटलेल्या फांद्यांना आंबे लागलेले होते. ते पिंपळाच्या फांद्यांवर अडकले. त्यामुळे पिंपळाला आंबे लागल्यासारखं चित्र दिसू लागलं. याचा व्हिडीओ काहींनी काढला आणि तो पुढे व्हायरल झाला.