विनोदी अभिनेता भूषण कडूच्या पत्नीचं कोरोनामुळे निधन

मुंबई, ३० मे | विनोदी कलाकार भूषण कडूच्या कुटुंबावर दु:खाचा डोंगर कोसळला आहे. कोरोनामुळे भूषणच्या पत्नीचं निधन झालंय. काही दिवसांपूर्वीच भूषणची पत्नी कादंबरी कडू यांना करोनाची लागण झाली होती. उपचारासाठी त्यांना रुग्णालयात दाखल करण्यात आलं होतं. उपचारादरम्यान कादंबरी यांनी अखेरचा श्वास घेतला. ३९ व्या वर्षी त्यांची प्राणज्योत मालवली.

कलर्स मराठी वाहिनीवरील बिग बॉस मराठी या रिअॅलिटीच्या पहिल्या सिजनमध्येही भूषणने हजेरी लावली होती. फॅमिली स्पेशल एपिसोडच्या निमित्ताने भूषणची पत्नी कादंबरी आणि मुलाने बिग बॉसच्या घरात एन्ट्री घेतली होती. यावेळी बऱ्याच दिवसांनी आपल्या मुलाला पाहताना भूषणच्या अश्रूंचा बांध फुटला होता. बाप-लेकाच्या नात्याची वीण पाहून स्पर्धक आणि प्रेक्षकांच्या डोळ्यांच्या कडाही ओलावल्या होत्या.

अभिनेता भूषण कडूवर दुःखाचा डोंगर, पत्नी कादंबरीचे कोरोनामुळे निधन pic.twitter.com/LRflmOOnvi

— महाराष्ट्रनामा न्यूज (@MahaNewsConnect) May 30, 2021