VIDEO | नीरव मोदी, मेहुल चोक्सीचे मोदींशी चांगले संबंध | मुश्रीफ यांचा दावा | दाव्यातील सत्य सांगणारा व्हिडिओ..

कोल्हापूर, ०५ जून | बँकांना कोट्यवधी रुपयांना ठकवून परदेशात फरार झालेल्या नीरव मोदी आणि मेहुल चौक्सीवरून ग्रामविकास मंत्री हसन मुश्रीफ यांनी धक्कादायक विधान केलं आहे. नीरव मोदी आणि चोक्सीचे पंतप्रधान नरेंद्र मोदींशी चांगले संबंध आहेत. त्यामुळेच या दोघांवर कारवाई केली जात नाही, असं धक्कादायक विधान हसन मुश्रीफ यांनी केलं आहे.

हसन मुश्रीफ यांनी मीडियाशी संवाद साधताना हे धक्कादायक विधान केलं आहे. नीरव मोदी आणि मेहुल चोक्सी हे दोघेही गुजरातचे आहेत. त्यांचे मोदींशी चांगले संबंध आहेत. त्यामुळे दोघांवरही कारवाई केली जात नाही, असं सांगतानाच चोक्सीला अटक केल्यानंतर देखील आपली तपास यंत्रणा हात हलवत परत येणार हे मला माहीत होतं, असं धक्कादायक विधान मुश्रीफ यांनी केलं आहे

चोक्सीला आणण्यासाठी भारतातून एक आठ सदस्यांचं पथक डोमिनिकाला गेलं होतं. मात्र, डोमिनिका हायकोर्टाने चोक्सीच्या प्रकरणावरील सुनावणी स्थगित ठेवली. त्यामुळे त्याचं भारताकडे प्रत्यार्पण होऊ शकलं नाही. परिणामी भारतीय पथकाला परत यावं लागलं आहे.

या गोष्टीत तथ्य असल्याचं म्हटलं जातं कारण दिल्लीतील २०१५ मध्ये एका कार्क्रमात पंतप्रधान नरेंद्र यांच्यासमोर प्रमुख पाहुण्यांमध्ये मेहुल चौक्सी उपस्थित होता.विशेष म्हणजे त्यावेळी पंतप्रधान नरेंद्र मोदी यांनी “अपने मेहुलभाई यहा बैठे हैं” असं आवर्जून म्हटलं होतं. तो व्हिडिओ देखील उपलब्ध आहे.