मुंबईतील मालाड भागात इमारत कोसळली | 11 जणांचा मृत्यू, 8 जण गंभीर

मुंबई, 10 जून | मुंबईतील मालाड पश्चिमेकडील मालवणी भागात इमारत कोसळल्याने मोठी दुर्घटना घडली आहे. या दुर्घटनेत 11 जणांचा मृत्यू झाला आहे. तर 8 जण गंभीर जखमी झाले आहे. सध्या जखमींवर जवळच्या रुग्णालयात उपचार सुरु आहे. तसेच सध्या दुर्घटनास्थळी मुंबई महापालिका आणि अग्निशमन दलाकडून युद्धपातळीवर मदत आणि बचावकार्य सुरु आहे.

मुंबई महापालिकेने दिलेल्या माहितीनुसार, मुंबईत बुधवारी (9 जून) रात्री 11 वाजता ही दुर्घटना घडली. मालाड पूर्व या ठिकाणी मालवणी गेट क्र. 8 येथे अब्दुल हमीद मार्गावर न्यू कलेक्टर कंपाऊंड परिसरात एका 3 मजली इमारतीचा दुसरा व तिसरा मजला बाजूला असलेल्या 1 मजली चाळीवर कोसळला. त्यामुळे मोठी दुर्घटना घडली. या दुर्घटनेत ढिगाऱ्याखाली अडकलेल्या 11 जणांचा जागीच मृत्यू झाला. तर 8 जण गंभीर जखमी झाले आहे.

मुंबई शहरचे पालकमंत्री आणि मालाडचे आमदार अस्लम शेख यांनी दुर्घटनेचे वृत्त कळताच घटनास्थळाला भेट दिली. मदतकार्याचा आढावा घेतला. हॉस्पिटलमध्ये जाऊन जखमींची विचारपूस केली.

It was a 4-storey building sheltering at least 7 people. 5 of them rescued so far. Two more buildings opposite to it were demolished. 2 children rescued from there. Police arrived as soon as we called them followed by arrival of fire brigade: Shahnawaz khan, a local#Mumbai pic.twitter.com/7djp5hqC3s

— ANI (@ANI) June 9, 2021