VIDEO | लेकीच्या मांडव टहाळीला भाजप आमदाराचा डान्स | कोरोना नियमांच्या पायमल्लीवरुन टीका

पिंपरी, ३१ मे | भारतीय जनता पक्षाचे पिंपरी चिंचवड शहराध्यक्ष आणि भोसरी विधानसभा मतदारसंघाचे आमदार महेश लांडगे बेफाम नाचतानाचा व्हिडीओ समोर आला आहे. कन्या साक्षी लांडगे यांच्या विवाह सोहळ्यापूर्वी आयोजित विधींच्या वेळी लांडगेंनी भंडाऱ्याची मुक्त उधळण करत नृत्य केले. परंतु यावेळी कोरोना प्रतिबंधात्मक नियमांचे पालन न केल्यामुळे टीका होत आहे.

भारतीय जनता पक्षाचे आमदार महेश लांडगे यांची मुलगी साक्षी लांडगे यांचे येत्या 6 जून रोजी लग्न आहे. या लग्नाची जोरदार तयारी सुरु आहे. लग्नातील मांडव टहाळ कार्यक्रम नुकताच पार पडला. या कार्यक्रमात आमदारांनी भंडारा उधळत कोरोनासंबंधी सर्व नियम पायदळी तुडवल्याने टीका होत आहे. या सोहळ्यात काही अपवाद वगळता आमदारांसह अनेक जण विनामास्क वावरत असताना व्हिडीओत दिसत आहेत.

VIDEO | लेकीच्या मांडव टहाळीला भाजप आमदाराचा डान्स | कोरोना नियमांच्या पायमल्लीवरुन टीका
Venue : Pimpri pic.twitter.com/QnJMl9Kezr

— महाराष्ट्रनामा न्यूज (@MahaNewsConnect) May 31, 2021