Rain Alert | महाराष्ट्रावर मान्सूनपूर्व पाऊस बरसण्याचा अंदाज

मुंबई, ३१ मे | महाराष्ट्रात पुढील ४ दिवस हवामान खात्यानं पावसाचा इशारा दिलाय. राज्यातील विविध भागात रविवारी मान्सूनपूर्व पावसानं हजेरी लावली होती. हवामान विभागाचे अधिकारी के. एस. होसाळीकर यांनी आज महाराष्ट्रातील मुंबई, ठाणे आणि पालघर या भागात पावसाच्या सरी बरसतील, अशी माहिती दिली आहे. राज्यावरती कमी दाबाचं क्षेत्र निर्माण झालंय, त्यामुळे पश्चिम बंगालच्या उपसागरातून येणाऱ्या पश्चिमी वाऱ्यामुळे मोठ्या प्रमाणावर बाष्प निर्माण होतंय, त्यामुळेच राज्यात पावसाची शक्यता आहे.

भारतीय हवामान विभागाचे अधिकारी के.एस.होसाळीकर यांनी मागील २४ तासात, मुंबई, ठाणे, नवी मुंबई, पालघर परीसरात हलक्या पावसाच्या सरी पडल्या, असल्याची माहिती दिली. याशिवाय याचं परिसरात आज देखील ढगाळ आकाश व हलक्या पावसाच्या सरीची आजही कोसळतील अशी शक्यता त्यांनी व्यक्त केली आहे.

गेल्या 24 तासात, मुंबई, ठाणे, नवी मुंबई, पालघर परीसरात हलक्या पावसाच्या सरी☔ पडल्या.
ढगाळ आकाश ☁☁व हलक्या पावसाच्या सरीची आजही शक्यता.🌦 pic.twitter.com/0xTk7turcL

— K S Hosalikar (@Hosalikar_KS) May 31, 2021