VIDEO | राज ठाकरेंचा आरोप खोटा असल्याचं सांगणारे भातखळकर टोंघडशी आपटले | गडकरींच्या तोंडून सत्य

मुंबई, ०२ जून | भारतीय जनता पक्षाचे आमदार अतुल भातखळकर यांनी महाराष्ट्र नवनिर्माण सेनेकडून तिकीट मागितलं होतं, याची माहिती स्वत: राज ठाकरे यांनी दिली. त्यावर भातखळकर यांनी स्पष्टीकरण देत राज ठाकरे यांना टोला लगावला. “राज ठाकरे यांचा आरोप धादांत खोटा आणि असत्य आहे. यापूर्वीही त्यांनी असे आरोप केले, परंतु मी त्यांच्याकडे दुर्लक्ष केलं. २००९ च्या गोष्टीचा संदर्भ त्यांना २०२१ ला द्यावासा वाटतोय याचा अर्थ माझं राजकीय वजन भरपूर वाढलेलं दिसतंय,” असं म्हणत भातखळकर यांनी राज ठाकरेंना टोला लगावला.

आमदार अतुल भातळकर यांनी ते विधान खोट असल्याचे सांगितल्यानंतर मनसेच्या संदीप देशपांडे यांनी एक व्हिडिओ शेअर केला आहे. त्यामध्ये, भाजपाचे नेते आणि केंद्रीयमंत्री नितीन गडकरी यांचा दाखला देण्यात आला आहे. भाजपाचे काही नेते त्यांच्याकडे गेले की ते फोन करुन सांगायचे. राज ठाकरे म्हणतात ते खरंय… असं या मुलाखतीतील व्हिडिओत गडकरींनी म्हटलय. मनसेनं या व्हिडिओचा दाखला देत अतुल भातखळकर तोंडावर आपटल्याचं म्हटलंय. संदीप देशपांडे यांनी ट्विट करुन हा व्हिडिओ शेअर केला आहे.

आमचा “राजा” तुमच्या “राजा “सारखा खोट बोलत नाही.@BhatkhalkarA pic.twitter.com/tb1tJVS4Hu

— Sandeep Deshpande (@SandeepDadarMNS) June 1, 2021