ब्लु-टिक गेली | २०१९ मध्ये ट्विटरवर इंट्री | ६ महिन्याहून अधिक काळ ना लॉगइन ना एकही ट्विट

नागपूर, ०५ जून | केंद्र सरकार आणि ट्विटर यांच्यातील वाद वाढण्याची चिन्हे आहेत. ट्विटरकडून केल्या जात असलेल्या कारवाईचा निषेध करण्यात येत आहे. उपराष्ट्रपती व्यंकय्या नायडू यांच्या ट्विटर अकाऊंटवरील ब्ल्यू टिक हटवल्यानंतर आता ट्विटरने आरएसएसचे सरसंघचालक मोहन भागवत यांच्या अकाऊंटची ब्ल्यू टिक हटवली आहे.

ट्विटरने उपराष्ट्रपती व्यंकय्या नायडूंच्या पर्सनल अकाऊंटला असलेली ब्लू टिक काढली होती. त्यानंतर अनेकांनी सोशल मीडियावर संताप व्यक्त केला. दोन तासांनतर ट्विटरने आपली चूक सुधारली आणि नायडूंचे पर्सनल अकाऊंट व्हेरिफाईड करण्यात आले आहे. त्यामुळे ब्लू टिक पुन्हा दिसू लागली. यानंतर आरएसएसचे सरसंघचालक मोहन भागवत यांच्या अकाऊंटवरील ब्ल्यू टिक हटवण्यात आली आहे.

सहा महिने अधिक कालावधीपासून अकाऊंटमध्ये लॉगइन केले नाही, तर ब्ल्यू टिक हटवण्याविषयीच्या धोरणाचा भाग म्हणून ही कारवाई करण्यात आल्याचे सांगितले जात आहे. मोहन भागवत यांचे मे २०१९ मध्ये ट्विटरवर अकाऊंट ओपन करण्यात आले होते. मात्र, आता त्यांच्या अकाऊंटवर एकही ट्विट दिसत नसल्याचे सांगितले जात आहे.