VIDEO | ठाणे सावरकर नगर येथे पंचामृत अपार्टमेंटची भिंत पडून अनेक गाड्यांचं नुकसान

ठाणे, ०९ जून | मुंबईसह ठाण्यात 9 ते 12 जूनपर्यंत अतिवृष्टी होण्याचा इशारा हवामान खात्याने आधीच दिला होता. त्यामुळे मुंबईला अतिवृष्टीचा अधिक फटका बसू नये म्हणून महापालिकेने तयारी केली होती. मात्र, आज सकाळपासून पावसाने मुंबईत जोरदार हजेरी लावत मुंबईची दाणादाण उडवून दिली. मुंबईत अनेक सखल भागात पाणी साचले. त्यामुळे सायन, चेंबूर, अंधेरी, कुर्ला, गोरेगाव, वरळीसह मुंबईतील विविध भागात वाहतुकीची प्रचंड कोंडी झाली होती.

सकाळपासून पाऊस पडत असल्याने कुर्ला आणि सीएसएमटी या रेल्वे स्थानकांदरम्यानच्या रेल्वे ट्रॅकवर पाणी साचले आहे. त्यामुळे खबरदारीचा उपाय म्हणून 9 वाजून 50 मिनिटांनी अप मार्गावरील रेल्वेसेवा थांबवण्यात आली. ट्रॅकवरील पाणी ओसरल्यानंतर ही रेल्वे सेवा पुन्हा सुरु करण्यात येईल, असे मध्य रेल्वेच्या जनसंपर्क कार्यालयाकडून सांगण्यात आले आहे. मात्र, लोकल ठप्प झाल्याने चाकरमानी चांगलेच वैतागले आहेत.

दुसरीकडे मुंबई शेजारील ठाण्यात देखील जोरदार पाऊस पडत आहेत. परिणामी मोठ्या प्रमाणावर पाणी साचल्याने नागरीकांना त्रास सहन करावा लागत आहे. याच वेळी ठाण्यात सावरकर नगर येथे पंचामृत अपार्टमेंटची भिंत पडून अनेक गाड्यांचं नुकसान झाल्याचं देखील वृत्त आहे.

ठाणे: सावरकर नगर येथे पंचामृत अपार्टमेंटची भिंत पडून अनेक गाड्यांचं नुकसान : pic.twitter.com/FHBw4SV9ry

— महाराष्ट्रनामा न्यूज (@MahaNewsConnect) June 9, 2021