पूजाने आत्महत्या केली नाही तर ती चक्कर येऊन पडली | पोलीस जबाबात माहिती

पुणे, १४ फेब्रुवारी: पूजा चव्हाण या तरुणीच्या आत्महत्या प्रकरणी पोलीस महासंचालक हेमंत नगराळे यांनी पुणे पोलिसांना सखोल चौकशीचे आदेश दिले आहेत. दरम्यान, या प्रकरणी राज्याचे वनमंत्री संजय राठोड यांच्यावर आरोप होत असल्याने सर्वच राजकीय पक्ष मोठ्या प्रमाणात आक्रमक झाले आहेत. याच पार्श्वभूमीवर, राष्ट्रीय महिला आयोगाने पुणे पोलिसांकडून चौकशीचा अहवाल मागवला आहे. यावर पुणे पोलिसांनी “पूजा चव्हाण प्रकरण तडीस लागेपर्यंत तपास करणार असे सांगतानाच कायदेशीर अडचणींमुळे या प्रकरणी गुन्हा दाखल करण्यात आलेला नाही”, असे स्पष्टीकरण दिले आहे.

दरम्यान, पूजा चव्हाण आत्महत्या प्रकरणात एक धक्कादायक खुलासा समोर आला आहे. पूजाने आत्महत्या केली नाही तर ती चक्कर येऊन पडली, असा जबाब पूजासोबत असलेल्या दोघांनी दिल्याची माहिती मिळत आहे. इतकच नाही तर रुममध्ये वाईनच्या वाटल्याही सापडल्याची माहिती मिळत आहे. वानवडी पोलिसांनी अरुण राठोड आणि विलास चव्हाण यांचा जबाब नोंदवला आहे. या जबाबानुसार आता पूजा चव्हाण प्रकरणाला नवं वळण मिळण्याची शक्यता निर्माण झाली आहे.

दरम्यान पूजा चव्हाण प्रकरणावरुन सध्या जोरदार राजकारण सुरु आहे. या प्रकरणात शिवसेनेच मंत्री संजय राठोड यांचंही नाव घेतलं जात आहे. त्यामुळे भारतीय जनता पक्षाचे नेते चांगलेच आक्रमक झाले आहेत. तर शिवसेनेचे नेते मात्र याबाबत अधिक स्पष्टपणे बोलताना दिसत नाहीत. या पार्श्वभूमीवर आता पूजा चव्हाण प्रकरणात धक्कादायक खुलासा समोर आलाय. पूजा चव्हाणने आत्महत्या केली नाही तर ती चक्कर येऊन पडल्याचा जबाब पूजासोबत असलेल्या दोघांनी पोलिसांना दिल्याची माहिती मिळत आहे.

पूजा चव्हाणच्या आई-वडिलांचा जबाबत पोलिसांनी यापूर्वीच नोंदवला आहे. या घटनेचा उलगडा होण्यापर्यंत तपास सुरु राहणार आहे. पोलीस महासंचालकांनी पुणे पोलीस आयुक्तांना चौकशीचे आदेश दिल्याची माहिती मिळतेय. पण पोलीस मात्र याबाबत अधिकृतपणे बोलत नाहीत. दरम्यान आज उशिरापर्यंत पोलीस महासंचालकांना चौकशी अहवाल सादर केला जाणार असल्याचीही माहिती मिळत आहे.

News English Summary: A shocking revelation has come to light in the Pooja Chavan suicide case. It is learned that Pooja did not commit suicide but got dizzy. Not only that, but there are reports of wine being found in the room. Wanwadi police have recorded the statements of Arun Rathore and Vilas Chavan. According to this reply, the Pooja Chavan case is now likely to get a new twist.

News English Title: A shocking revelation has come to light in the Pooja Chavan suicide case news updates.