अर्णब गोस्वामींच्या चौकशीला कोर्टाचा हिरवा कंदील | रोज कारागृहात ३ तास चौकशी

मुंबई, ९ नोव्हेंबर: वास्तुसजावटकार अन्वय नाईक यांच्या आत्महत्येप्रकरणी अटकेत असलेले Republic TV’चे मुख्य संपादक अर्णब गोस्वामी यांच्या चौकशीला अलिबाग सत्र न्यायालयाने आज हिरवा कंदील दाखवला आहे आणि त्यामुळे अर्णब गोस्वामी यांच्या अडचणीत मोठी वाढ झाली आहे. गोस्वामी यांना तळोजा कारागृहात ठेवण्यात आलं असून, तिथेच दररोज तब्बल ३ तास चौकशी करण्याची परवानगी कोर्टाने पोलिसांना दिली आहे.

रायगड पोलिसांनी अर्णब गोस्वामी यांना अन्वय नाईक प्रकरणात अटक केली होती. कोर्टाने त्यांना न्यायालयीन कोठडी सुनावली आहे. दरम्यान, पोलिसांनी त्यांच्या चौकशीसाठी पोलीस कोठडी देण्याची मागणी कोर्टाकडे केली होती. कोर्टाने पोलिसांच्या मागणीनंतर दररोज ३ तास चौकशी करण्याची परवानगी रायगड पोलिसांना दिली आहे.

दरम्यान, रिपब्लिक वृत्तवाहिनीचे मुख्य संपादक अर्णब गोस्वामी यांनी मुंबई हायकोर्टात धाव घेतली होती. परंतु, हायकोर्टात देखील गोस्वामी यांना दिलासा मिळाला नाही. मुंबई हायकोर्टानं त्यांचा अंतरिम जामिनासाठीचा अर्ज फेटाळून लावला. त्याचबरोबर कनिष्ठ न्यायालयात जाण्याचे आदेश गोस्वामी यांना दिले आहेत.

News English Summary: The Alibaug Sessions Court today gave the green light to the inquiry of Arnab Goswami, editor-in-chief of Republic TV, who was arrested in connection with the suicide of architect Anvay Naik, adding to Arnab Goswami’s woes. Goswami has been lodged in Taloja Jail, where the court has allowed the police to interrogate him for three hours every day.

News English Title: Alibaug Sessions Court Allows Police To Question Arnab Goswami For 3 Hours Daily In Taloja Prison News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.