व्हिडिओ कॉलवरुन धमकी आणि १ कोटीची ऑफर | गिरीश महाजनांवर गुन्हा दाखल

जळगाव, 18 डिसेंबर: भारतीय जनता पक्षाचे नेते आणि माजी मंत्री गिरीश महाजन यांच्या (BJP leader and former minister Girish Mahajan) अडचणीत दिवसेंदिवस वाढ होताना दिसत आहे. कारण गिरीश महाजन यांच्यावर जळगावातील निंभोरा पोलीस ठाण्यात गुन्हा दाखल करण्यात आला आहे. जानेवारी २०१८ मध्ये घडलेल्या एका धक्कादायक प्रकाराबद्दल ८ डिसेंबरला त्यांच्याविरूद्ध गुन्हा दाखल केला आहे. मराठा विद्या प्रसारक सहकारी समाज मर्यादित, जळगाव या संस्थेचा ताबा मिळवण्यासाठी भोईटे गटाने अ‍ॅड. विजय पाटील यांना पुण्यात बोलावून चाकूचा धाक दाखवत जबर मारहाण केली. त्याच दरम्यान व्हिडिओ कॉलवरुन माजी मंत्री गिरीश महाजन यांनी एक कोटी रुपयांची ऑफर दिली, असा आरोप करत निंभोरा पोलीस ठाण्यात गिरीश महाजन यांच्यासह भोईटे गटातील सदस्यांवर गंभीर गुन्हा दाखल करण्यात आला आहे.

जळगाव जिल्हा मराठा विद्या प्रसारक मंडळाच्या संचालकांमध्ये वाद आहेत. जवळपास ५ वर्षांपूर्वी झालेल्या निवडणुकीत तानाजी भोईटे यांच्या गटाला नरेंद्र भास्कर पाटील यांनी निवडणुकीत पायउतार केल्यानंतर देखील भोईटे गट संस्थेवर ताबा सांगत असून दोन्ही गटांमध्ये आजवर अनेकदा संघर्ष झालेला आहे. या पार्श्‍वभूमीवर, मध्यंतरी भोईटे गटाला तत्कालीन मंत्री गिरीश महाजन यांचा पाठींबा असल्याची चर्चा होती. याच अनुषंगाने दिवंगत नरेंद्र पाटील यांचे बंधू अ‍ॅड. विजय भास्कर पाटील यांनी निंभोरा पोलीस स्थानकात तक्रार दाखल केली आहे.

दुसरीकडे, राज्यातील बहुचर्चित बीएचआर पतसंस्था गैरव्यवहारात एक महत्वाची आणि अत्यंत धक्कादायक माहिती समोर आली होती. बीएचआर पतसंस्थेच्या गैरव्यवहार प्रकरणी पुण्याच्या आर्थिक गुन्हे शाखेने जामनेर नगरपरिषदेचे माजी नगराध्यक्ष पारस ललवाणी यांना चौकशीसाठी ताब्यात घेतले (Pune Economic Crimes Branch arrests former Jamner Municipal Corporation mayor Paras Lalvani for questioning) होते. चौकशीनंतर जामनेरात दाखल होताच पारस ललवाणी यांनी स्वतःची कातडी वाचवण्यासाठी पत्रकार परिषद घेऊन गंभीर खुलासे केले होते. त्यावेळी त्यांनी भारतीय जनता पक्षाचे माजी मंत्री आमदार गिरीश महाजन यांच्यावर थेट आरोप केले आहेत. त्यामुळे भाजप नेते गिरीश महाजन यांच्या अडचणीत प्रचंड वाढ होण्याची शक्यता आहे.

News English Summary: BJP leader and former minister Girish Mahajan’s troubles are increasing day by day. A case has been registered against Girish Mahajan at Nimbhora police station in Jalgaon. A case has been registered against him on December 8 for a shocking incident that took place in January 2018. Maratha Vidya Prasarak Sahakari Samaj Limited, Jalgaon. Vijay Patil was called to Pune and severely beaten with a knife. Meanwhile, a serious case has been registered against Girish Mahajan and members of the Bhoite group at the Nimbhora police station, alleging that former minister Girish Mahajan made an offer of Rs 1 crore through a video call.

News English Title: FIR complain registered Against BJP leader Girish Mahajan over threatening crime news updates.