महिलांना नग्न करून बलात्कार, भाजपाची सत्ता असलेल्या मणिपूर पोलिसांनीच महिलांना जमावाकडे दिले, पीडितेच्या धक्कादायक खुलासा

Manipur Viral Video | मणिपूरमध्ये कुकी-झोमी समाजातील दोन महिलांना नग्न करून त्यांच्यावर बलात्कार केल्याचा व्हिडिओ समोर आल्यानंतर एका पीडितेने आपली व्यथा सांगितली. त्या दिवशी तिथे घडलेला प्रकार पीडितेने इंडियन एक्स्प्रेसला सांगितला आहे. पीडितेने वेदना सांगताना म्हटले की, ‘जमावाने क्रूरतेचा सर्व मर्यादा ओलांडून भुकेल्या लांडग्यांप्रमाणे स्त्रियांची अब्रू लुटत कसे राहिले. मणिपूर पोलिसांनीच तिला जमावाच्या केल्याचा दावाही या महिलेने संभाषणादरम्यान केल्याने भाजपाची सत्ता असलेल्या मणिपूरमध्ये भाजपच्या हातातील प्रशासनाचा खरा चेहरा समोर आला आहे.

व्हायरल झालेला व्हिडिओ अतिशय संवेदनशील आहे, जो आम्ही तुम्हाला दाखवू शकत नाही. पण त्या दिवशी नेमकं काय घडलं ते पीडितेने सांगितलं आहे. या व्हिडिओतील दोन महिलांपैकी एकीचे वय २० वर्षे तर दुसऱ्याचे वय ४० वर्षे असल्याचे सांगितले जात आहे. त्या व्हिडिओत त्यांना नग्न अवस्थेत रस्त्यावर काही लोक शेताच्या दिशेने जाताना दिसत आहेत. काही पुरुष या दोन्ही महिलांना शेतात खेचून जबरदस्तीने विनयभंग करताना दिसत आहेत. अल्पवयीन मुलीवर दिवसाढवळ्या सामूहिक बलात्कार करण्यात आल्याचा आरोप पीडितेने १८ मे रोजी पोलिसांकडे केलेल्या तक्रारीत केला होता. पण त्याआधीच तिने पोलिसांचा खरा चेहरा अनिभवला होता.

पोलिसांनी महिलांना जमावाच्या ताब्यात दिल्याचा बलात्कार पीडितेचा आरोप

कांगपोकपी जिल्ह्यातील त्यांच्या गावावर जमावाने हल्ला केला, त्यानंतर त्या आश्रयासाठी जंगलात पळून गेले आणि नंतर थौबल पोलिसांकडे त्यांनी मदतीसाठी धाव घेतली आणि पोलिस ठाण्यात जातं असताना वाटेतच त्यांना रोखण्यात आले, असे पीडितांनी तक्रारीत म्हटले आहे. जमावाने सुमारे दोन किलोमीटर अंतरावरील पोलिस ठाण्यावर हल्ला केला. पतीच्या घरातून फोनवर बोलताना तरुणीने आरोप केला की, “त्या दिवशी आमच्या गावावर हल्ला करणाऱ्या जमावासोबत पोलीस होते”. पोलिसांनी आम्हाला घराजवळून उचलून गावापासून थोडे दूर नेऊन जाणीवपूर्वक गर्दीजवळरस्त्यावर सोडून दिले होते आणि पोलिसांनीच आम्हाला जमावाच्या स्वाधीन केले होते असा धक्कादायक खुलासा पीडितेने केला.

एफआयआर दाखल झाल्यानंतर दोन महिन्यांनी ही कारवाई करण्यात आली

तेथे पाच जण होते, असा आरोप पीडितांनी तक्रारीत केला होता. या व्हिडिओत दिसणाऱ्या दोन महिला, निर्वस्त्र झालेली आणखी एक ४० वर्षीय महिला आणि सर्वात लहान महिलेचे वडील आणि भाऊ… जमावाने त्यांची हत्या केल्याचा आरोप आहे. बलात्कार पीडितेने सांगितले की, तिच्या कुटुंबियांना या घटनेचा कोणताही व्हिडिओ असल्याची कोणतीही माहिती नव्हती, ज्यामुळे तो व्हायरल झाल्यानंतर लोकांमध्ये संतापाची लाट उसळली. हा व्हिडिओ समोर आल्यानंतर एफआयआर दाखल झाल्यानंतर दोन महिन्यांनी राज्य सरकार आणि पोलिसांना कारवाई करणे भाग पडले. ‘मणिपूरमध्ये इंटरनेट नाही, आम्हाला माहित नाही,’ असे पीडितेने सांगितले.

News Title : Manipur viral video rape victim alleges police left us with mob check details on 21 July 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.