बागेत १३ तोळे सोनं व रोकड | रिक्षात विसरलेली बॅग मुंबई पोलिसांनी काही वेळात मिळवून दिली

मुंबई, १९ फेब्रुवारी: मुंबई पोलीस हे नेहमीच सक्रीय असतात. मुंबई पोलिसांच्या कार्याचा गौरव आपण अनेकदा ऐकला असेल आता पुन्हा एकदा त्याचाच प्रत्यय आला आहे. एक महिला आपली बॅग ऑटो रिक्षात विसरली आणि या बॅगमध्ये तब्बल १३ तोळे सोने आणि काही रोकडही होती. ही बॅग मुंबई पोलिसांच्या वाहतूक विभागाने शोधून काढली आणि पुन्हा त्या महिलेला परत केली आहे. मुंबई पोलिसांनी केलेल्या या कार्यानंतर सर्वत्र कौतुक होत आहे.

ANI या न्यूज एजन्सीने आपल्या ट्विटर अकाऊंटवर एक ट्विट केलं आहे. या ट्विटनुसार, एक महिला मुंबईतील रिक्षात आपली बॅग विसरली. आपण बॅग विसरलो असल्याचं त्या महिलेच्या लक्षात आल्यावर तिने याची माहिती पोलिसांना दिली. तसेच बॅगमध्ये काही रोकड आणि लाखोंचे दागिने असल्याची माहितीही या महिलेने पोलिसांना दिली.

महाराष्ट्र: मुंबई पुलिस को ऑटो रिक्शा से 10 लाख रुपये के सोने और कैश से भरा बैग मिला।

ट्रैफिक पुलिस ने बताया, “एक महिला का बैग ऑटोरिक्शा में छूट गया था। हमने सीसीटीवी फुटेज देखकर ऑटोरिक्शा का नंबर निकाला। मालिक का नंबर पता करके कॉल किया गया। बैग में 13 तोला सोना, और पैसे थे।” pic.twitter.com/a0yLMlXBNC

— ANI_HindiNews (@AHindinews) February 19, 2021

ही माहिती मिळातच मुंबई पोलिसांनी सूत्रे हलवण्यास सुरुवात केली आणि सीसीटीव्हीच्या मदतीने ऑटो रिक्षाचा क्रमांक मिळवला. यानंतर त्या रिक्षाचालकासोबत संपर्क साधून ती बॅग त्या महिलेला परत मिळवून दिली. पोलिसांनी सांगितले की, एक महिला आपली बॅग ऑटोरिक्षात विसरली होती. आम्ही सीसीटीव्ही फूटेजच्या मदतीने ऑटो रिक्षाचा नंबर काढला. यानंतर रिक्षा चालकाचा फोन नंबर मिळवला आणि त्याच्याशी संपर्क साधला. मग ही आम्ही त्या महिलेला परत मिळवून दिली. या बॅगमध्ये १३ तोळे सोने आणि काही रोकडही होती.

News English Summary: Mumbai Police is always active. You may have heard the glory of the work of Mumbai Police many times, but now it has come to fruition once again. A woman forgot her bag in an auto rickshaw and it contained 13 weights of gold and some cash. The bag was found by the Mumbai Police Traffic Department and returned to the woman. This work done by Mumbai Police is being appreciated everywhere.

News English Title: Mumbai traffic police returned a bag with 13 tola gold and cash to woman news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.