पूजा चव्हाण आत्महत्या प्रकरण | पोलिसांकडून अरुण राठोडचा शोध सुरु

पुणे, १३ फेब्रुवारी: राज्यभर चर्चेत असलेल्या पूजा चव्हाण आत्महत्या प्रकरणी नवनवीन खुलासे होत आहे. पूजा चव्हाण आत्महत्याप्रकरणी आघाडी सरकारमधील मंत्री आणि त्यांच्या कार्यकर्त्याच्या कथित संभाषणाच्या 11 क्लिप व्हायरल झाल्या होत्या. या कथित ऑडिओ क्लिपमधील अरुण राठोड या व्यक्तीचा पोलिसांकडून शोध सुरु असल्याची माहिती समोर येत आहे.

प्रसार माध्यमांच्या हाती आलेल्या वृत्तानुसार, अरुण राठोड या व्यक्तीचा पोलिसांकडून शोध सुरु आहे. पुण पोलिसांकडून सध्या अरुण राठोडचा शोध सुरु आहे. अरुण राठोड हा सध्या बीडमध्ये असल्याची माहिती समोर येत आहे. मात्र अद्याप याची कोणतीही ठोस माहिती समोर आलेली नाही.

दरम्यान, पूजा चव्हाण आत्महत्या प्रकरणी मुख्यमंत्री उद्धव ठाकरे अ‍ॅक्शन मोडमध्ये आले आहेत. मुख्यमंत्र्यांनी पूजा आत्महत्याप्रकरणातील सर्व माहिती घेतल्याचं सूत्रांनी सांगितलं. त्यामुळे शिवसेनेचे मंत्री संजय राठोड यांच्यावर कोणत्याही क्षणी कारवाई होण्याची शक्यता बळावली असून राठोड राहणार की जाणार? अशी चर्चा राजकीय वर्तुळात रंगली आहे.

News English Summary: New revelations are being made in the Pooja Chavan suicide case which is being discussed all over the state. In the Pooja Chavan suicide case, 11 clips of alleged conversations between a minister in the alliance government and his activist went viral. It is learned that the police are searching for Arun Rathore in the alleged audio clip.

News English Title: Pooja Chavan suicide case police searching Arun Rathod main suspect news updates.