अन्वय नाईक आत्महत्या प्रकरण | रिपब्लिक चॅनेलचे संपादक अर्णब गोस्वामींना अटक

मुंबई, ४ नोव्हेंबर: रिपब्लिक चॅनेलचे संपादक अर्णब गोस्वामी यांना रायगड पोलिसांनी अटक केल्याने खळबळ माजली आहे. रायगड पोलिसांनी धडक कारवाई करत अर्णब गोस्वामी यांना मुंबई येथील घरातून ताब्यात घेत अटकेची कारवाई केली. दरम्यान, पोलिसांकडे कोणतीही कागदपत्रं, न्यायालयाचे आदेश किंवा समन्स नसतानाही ही धडक कारवाई केला जात असल्याचा आरोप रिपब्लिककडून यानंतर करण्यात आला आहे.

तसेच अर्णब गोस्वामी यांच्यावर पोलिसांकडून जबरदस्ती करत धक्काबुक्की केल्याचा आरोप देखील करण्यात आला आहे. सध्या पोलीस अर्णब गोस्वामी यांना घेऊन अलिबागच्या दिशेने रवाना झाले आहेत.

अन्वय नाईक आत्महत्या प्रकरण | रिपब्लिक चॅनेलचे संपादक अर्णब गोस्वामींना अटक pic.twitter.com/Py2r8xtfy2

— महाराष्ट्रनामा न्यूज (@MahaNewsConnect) November 4, 2020

वास्तुविशारद अन्वय नाईक आत्महत्या प्रकरणी ही धडक कारवाई करण्यात आल्याचे वृत्त आहे. ५ मे २०१८ रोजी अन्वय नाईक यांनी अलिबाग येथील त्यांच्या राहत्या घरी आत्महत्या केली होती. अन्वय नाईक यांनी आत्महत्येआधी लिहिलेल्या सुसाईड नोटमध्ये पत्रकार अर्णब गोस्वामी यांच्या नावाचा स्पष्ट उल्लेख असल्याचं सांगण्यात येत आहे. हक्काच्या कामाचे पैसे थकवल्याचा आरोप करत त्यांनी चिठ्ठीत अर्णब गोस्वामी यांना आत्महत्येला जबाबदार धरण्यात आलं होतं. अन्वय नाईक यांच्या पत्नी अक्षता नाईक यांनी देखील हा आरोप केला आहे. त्यांनी अर्णब गोस्वामी यांच्यासह तिघांविरोधात तक्रार दाखल केली होती.

News English Summary: Arnab Goswami, editor of Republic Channel, has been arrested by Raigad police. Raigad police arrested Arnab Goswami from his house in Mumbai and arrested him. The Republic, meanwhile, has since accused the police of carrying out the crackdown without any documents, court orders or summons.

News English Title: Republic TV Arnab Goswami Mumbai Police News Updates.