मानसिक स्थितीबाबत मनसुख हिरेन यांनी पोलिसांना लेखी पत्र दिलेलं | वझेंची प्रतिक्रियाही आली

मुंबई, ०५ मार्च: मुकेश अंबानींच्या अँटिलीया निवासस्थानासमोर सापडलेल्या स्कॉर्पिओचा मालक हिरेन मनसुख यांचा मृतदेह कळवा खाडीत आज आढळून आला. त्यामुळे एकच खळबळ माजली आहे. गुरूवारी रात्री पावणे आठच्या सुमारास मनसुख हिरेन यांचा मुलगा नेहमीप्रमाणे दुकानात जेवणाचा डब्बा घेवून आला. जेवण उरकून साडे आठच्या सुमारास मुलाला दुकानातच थांबवून मनसुख यांनी मी बाहेर जाऊन येतो असे सांगून दुचाकीवरून गेले होते, अशी माहिती त्यांच्या दुकानात काम करणाऱ्या कर्मचाऱ्याने दिली आहे. (The dead body of Hiren Mansukh found in Kalwa Bay today)

मात्र, मानसिक स्थिती ठिक नसल्याबाबत ठाणे पोलीस आयुक्त विवेक फणसाळकर आणि मुंबई पोलीस आयुक्त परमबीर सिंह यांना मनसुख हिरेन यांनी लेखी पत्र दिले असल्याचीही माहिती समोर येत आहे.

मनसुख ठाण्यातील क्लासिक मोटर्सची फ्रेंचायजी चालवतात. गुरुवारी ते अचानक बेपत्ता झाले होते. मात्र, एंटीलिया प्रकरणात तपास करत असलेले पोलिस अधिकारी सचिन वाजे आणि मनसुख एकमेकांच्या संपर्कात होते, अशी शंका विरोधकांनी व्यक्त केली आहे. याच विषयाला अनुसरून विरोधीपक्ष नेते देवेंद्र फडणवीस यांनी या प्रकरणाचा तपास NIA कडे देण्याची मागणी केली आहे.

दरम्यान, उद्योगपती मुकेश अंबानी यांच्या घराबाहेर सापडलेल्या स्फोटकांनी भरलेल्या गाडीमालकाने आत्महत्या केल्याची धक्कादायक माहिती समोर आली. त्यानंतर विरोधी पक्षनेते देवेंद्र फडणवीस यांनी सचिन वाझे हे प्रत्येक यांच्यावर या प्रकरणी गंभीर आरोप केल्यानंतर सचिन वाझे यांनी प्रतिक्रिया व्यक्त करत त्यांच्यावरील आरोप फेटाळून लावले आहेत. मनसुख हिरेनचं काय झालं मला काहीच माहीत नाही. मला आताच कळलंय. मी ठाण्यालाच चाललो आहे, असं वाझे म्हणाले.

News English Summary: The body of Hiren Mansukh, owner of Scorpio, was found in front of Mukesh Ambani’s Antilia residence in Kalwa Bay today. So there is only one sensation. Mansukh Hiren’s son came to the shop as usual on Thursday night at around 8 pm with a lunch box. Mansukh had stopped the boy in the shop at around 8.30 am after finishing the meal and told him that he was going out on a two-wheeler, said an employee of his shop.

News English Title: The dead body of Hiren Mansukh found in Kalwa Bay today news updates.