अंधेरी पूर्व रमेश कंपाउंड महाकाली गुंफा रोडवरील जागा गुंडांमार्फत बळकावण्याचा प्रयत्न

मुंबई, २१ मार्च: रमेश कंपाउंड महाकाली गुंफा रोड येथील रमेश सिंग या जागेचे ताबा असलेल्या मालकाची जागा काही गुंड प्रवृत्तीच्या लोकांना पुढे करून हडपण्याचा प्रकार खुलेआम सुरु असल्याचं वृत्त आहे. धक्कादायक म्हणजे यामध्ये राजकीय लोकप्रतिनिधींचा आशीर्वाद असल्याने अंधेरी पूर्वेकडील स्थानिक MIDC पोलीस स्टेशन याकडे दुर्लक्ष करत असल्याचा आरोप करण्यात आला आहे. एका राजकीय लोकप्रनिधीचा या जागेवर डोळा असल्याने जागेचे ताबा मालक रमेश सिंग यांना गुंडांच्या मार्फत घाबरविण्याचा प्रयत्न सुरु आहे. त्यांच्याच जागेत गुंडांना घुसवून जागा खाली करण्याच्या धमक्या दिल्या जातं आहेत आणि त्यांना आत जाण्यापासून रोखण्यात येतं आहे.

रमेश सिंग यांनी न्यायालयात याचिका यापूर्वीच दाखल केली आहे. सदर विषय न्यायप्रविष्ठ असताना देखील गुंड प्रवृत्ती पुढे करून जागा हडपण्याचा प्रकार सुरु केला आहे. मुंबईचे नवनियुक्त पोलीस आयुक्त हेमंत नगराळे यांनी दोनच दिवसांपूर्वी प्रसार माध्यमांना संबोधित करताना यापुढे पोलिसांकडून कोणतीही लहान चूक झाल्यास थेट कारवाई केली जाईल अशी समज दिली होती. त्यानंतर देखील स्थानिक MIDC पोलीस स्टेशन रमेश सिंग यांच्या तक्रारींकडे दुर्लक्ष करत असल्याचा आरोप स्वतः रमेश सिंग यांनी केला आहे.

मुंबई अंधेरी पूर्व रमेश कंपाउंड महाकाली गुंफा रोड | रमेश सिंग यांची जागा गुंडांमार्फत हडपण्याचा प्रयत्न. pic.twitter.com/tIgH9leDgv

— महाराष्ट्रनामा न्यूज (@MahaNewsConnect) March 21, 2021

News English Summary: It is reported that the land owned by Ramesh Singh at Ramesh Compound, Mahakali Gunfa Road, is being openly grabbed by some goons. Shockingly, it has been alleged that the local MIDC police station in Andheri East is ignoring it as it has the blessings of political representatives. As a political MP has an eye on the place, an attempt is being made to intimidate the owner of the place, Ramesh Singh, through goons. The goons are being threatened to enter the area and they are being prevented from entering.

News English Title: Tress passing at MIDC judicial area news updates.