महिलेवर सामूहिक बलात्कार | तक्रार करण्यास गेल्यावर योगी सरकारच्या पोलिसाकडूनही बलात्कार

लखनऊ, २५ डिसेंबर: हाथरस सामूहिक बलात्काराच्या भीषण घटने नंतरही योगी सरकारच्या राज्यात बलात्काराचे धक्कादायक प्रकार समोर येतं आहेत. सामुहिक बलात्काराची तक्रार देण्यासाठी पोलीस ठाण्यात गेलेल्या पीडितेवर तिथल्या एका पोलीस अधिकाऱ्याने तिच्यावर पुन्हा बलात्कार केल्याचा धक्कादायक प्रकार समोर आला आहे. उत्तर प्रदेशातील शाहजहानपूर येथे ही घटना घडली आहे.

जलालाबादमध्ये राहणारी एका ३५ वर्षीय महिलेनं तिच्यावर बलात्कार झाल्याची तक्रार केल्याची माहिती पोलीस क्षेत्राधिकारी ब्रह्मपाल सिंह यांनी दिली. ‘महिलेनं दिलेल्या माहितीनुसार ३० नोव्हेंबरला मदनपूरला जात असताना ती प्रवास करत असलेली ई-रिक्षा खराब झाली. त्यानंतर ती पायी चालू लागली. त्याचवेळी कारमधून आलेल्या पाच जणांनी तिला जबरदस्तीनं शेतात नेलं आणि तिच्यावर बलात्कार केला,’ असं सिंह यांनी सांगितलं.

पीटीआयच्या वृत्तानुसार, ३० नोव्हेंबर रोजी सदर धक्कादायक घटना असल्याचं समोर आलं आहे. या प्रकारानंतर पीडित महिलेने जलालाबाद पोलीस ठाण्यात धाव घेतली. यावेळी या पोलीस ठाण्यात एक पोलीस उपनिरिक्षक उपस्थित होता त्याने तिला त्याच्या खोलीत नेले आणि तिथे बलात्कार केला. या दोन्ही धक्कादायक प्रकारांनंतरही पीडितेची तक्रार नोंदवली गेली नाही. त्यामुळे तीने थेट बरेलीचे सहाय्यक पोलीस महासंचालक अविनाश चंद्रा यांची बुधवारी भेट घेऊन प्रकार उजेडात आणला. एकूण योगी सरकारच्या राज्यात महिला किती असुरक्षित आहेत त्याचा प्रत्यय वारंवार येतं आहे आणि हे सर्व प्रकार अत्यंत क्लेशदायक आहेत.

News English Summary: Even after the horrific incidents of Hathras gang rape, shocking forms of rape are emerging in the state of Yogi government. The victim, who had gone to the police station to lodge a gang-rape complaint, was allegedly raped again by a local police officer. The incident took place at Shahjahanpur in Uttar Pradesh.

News English Title: Uttar Pradesh woman suffer from gang rape was again raped in police station during she went to register a complaint news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.