७० व्या प्रजासत्ताक दिनी देशभर विविध कार्यक्रमांचं आयोजन

नवी दिल्ली : आज ७० व्या प्रजासत्ताक दिनानिमित्त राजधानी दिल्ली तसेच संपूर्ण देशभर विविध कार्यक्रमांचं आयोजन करण्यात आलं आहे. दिल्लीत आज राजपथावर दिमाखदार संचलन पार पडणार आहे. दरम्यान आजच्या सोहळ्याला दक्षिण आफ्रिकेचे अध्यक्ष हे प्रमुख पाहुणे असणार आहेत.

प्रजासत्ताक दिनानिमित्त राजपथावर होणारं भारतीय लष्कराचं शक्ती प्रदर्शन आणि विविध भारतीय परंपरांचे व सांस्कृतिक कार्यक्रमाचं भव्य दर्शन हे आकर्षणाचं मुख्य केंद्र असणार आहे. मुंबई शिवाजी पार्कवर राज्य सरकारचा मुख्य कार्यक्रम होणार असून मुख्यमंत्री देवेंद्र फडणवीस आणि महाराष्ट्राचे राज्यपाल सी. विद्यासागर राव उपस्थित राहणार आहेत.