AXIS बँक | यापूर्वीच ईडीकडे तक्रार आणि न्यायालयात याचिका | म्हणून त्या एकेरी भाषेत संतापल्या?

मुंबई, २३ मार्च: महाविकासआघाडीचे पक्ष भारतीय जनता पक्षाचं सरकार असताना केलेल्या घोटाळ्यावरून फडणवीसांना टार्गेट करत आहेत.ॲक्सिस बॅंकेत पोलीसांचे अकाऊंट ट्रान्सफर करण्यावरून भाई जगताप आणि फडणवीसांच्या पत्नी अमृता फडणवीस यांच्यात वॅार पाहायला मिळालं. मुंबई काँग्रेसचे अध्यक्ष भाई जगताप यांनी देवेंद्र फडणवीसांवर आरोप करत ‘राजीनामा मागणाऱ्या फडणवीस यांनी आधी पोलिसांची खाती बायकोच्या बँकेत कशाच्या आधारावर वर्ग केली होती याचे उत्तर द्यावं’ असा थेट सवाल विचारला.

विशेष म्हणजे २०१४ पूर्वी ऍक्सिस बँकेच्या नागपूर शाखेत अमृता फडणवीस या असोसिएट व्हीपी पदावर होत्या. पती देवेंद्र फडणवीस २०१४ मध्ये मुख्यमंत्री होताच अमृता फडणवीस ‘अ‍ॅक्सिस बँके’त उच्च पदावर कार्यरत झाल्या (की घेतल्या गेल्या?) म्हणजे थेट ऍक्सिस बँक पश्चिम भारताच्या व्हीपी आणि कॉर्पोरेट हेड पदावर विराजमान झाल्या. बँकिंग क्षेत्रातील प्रगतीचं हे दुर्मिळ उदाहरण असावं. ऍक्सिस बँकेने त्यांना ते कशा साठी दिलं असावं हे समजण्यासाठी तज्ज्ञाची देखील गरज नाही. मात्र याच विषयावरून ED कडे लेखी तक्रार आणि न्यायालयात याचीका दाखल असताना अमृता फडणवीस यांनी भाई जगताप यांना दिलेलं एकेरी भाषेत प्रतिउत्तर सुद्धा त्यांच्या संतापाचे कारण सांगून जातंय.

कारण माजी मुख्यमंत्री देवेंद्र फडणवीस यांच्या विरुद्ध नागपूरमधील महिती अधिकार कार्यकर्ते मोहनीश जबलपूरे यांनी सक्तवसुली संचालनालयाकडे (ईडी) लेखी तक्रार ऑगस्ट २०१९ मध्ये नोंदवली होती. मुख्यमंत्र्यांनी आपल्या पदाचा गैरवापर करुन नागपूरमधील एका खासगी बँकेला अवैध पद्धतींनी फायदा करुन दिल्याची तक्रार जबलपूरे यांनी ईडीकडे केली होती. या खाजगी बँकेत फडणवीस यांच्या पत्नी अमृता फडणवीस या एका वरिष्ठ पदावर कार्यरत आहेत त्यामुळे या बँकेचा व्यवसाय वाढवण्यासाठी त्यांना मुख्यमंत्र्यांनी सूट दिल्याचे तक्रारीत नमूद करण्यात आले होते. या प्रकरणात ईडी व सीबीआयने फडणवीस यांची चौकशी करावी अशी मागणी देखील या तक्रारीमध्ये जबलपूरे यांनी केली होती.

A #Nagpur-based RTI activist has complained to the #EnforcementDirectorate (#ED), seeking a probe against Chief Minister #DevendraFadnavis for allegedly using his position to help improve the business of a private bank where his wife holds a senior position on August 27. pic.twitter.com/9C6jAemGZI

— IANS Tweets (@ians_india) August 27, 2019

मुख्यमंत्री देवेंद्र फडणवीस यांनी सत्तेचा गैरवापर करत महाराष्ट्र सरकारच्या अंतर्गत येणाऱ्या पोलीस कर्मचाऱ्यांची बँक खाती स्टेट बँक ऑफ इंडिया या राष्ट्रीय बँकेमधून ऍक्सिस बॅंकेत वळवल्याचा आरोप जबलपूरे यांनी केला होता. फडणवीस यांची पत्नी ऍक्सिस बॅंकमध्ये मोठ्या हुद्द्यावर असल्याने बँकेला झुकते माप देत राष्ट्रीय बँकांना तोटा होणारा हा निर्णय घेण्यात आल्याचे जबलपूरे यांनी म्हटले होते. या प्रकरणामध्ये स्टेट बँकेने अधिकृत अहवाल देऊन अशा पद्धतीने किती खाती या खासगी बँकेकडे हस्तांतरित करण्यात आली आहेत हे ही जाहीर करण्यात यावे अशी मागणी जबलपूरे यांनी केली होती. याच प्रकरणासंदर्भात जबलपूरे यांनी ७ ऑगस्ट २०१९ रोजी एक याचिका मुंबई उच्च न्यायलयाच्या नागपूर खंडपीठात दाखल केली होती.

मुख्यमंत्री देवेंद्र फडणवीस यांनी सत्तेचा गैरवापर करत महाराष्ट्र सरकारच्या अंतर्गत येणाऱ्या पोलीस कर्मचाऱ्यांची बँक खाती राष्ट्रीय बँकांमधून AXIS बॅंकेत वळवल्याचा आरोप करण्यात आला होता. यासंदर्भात फडणवीस आणि राज्य सरकारवर कठोर कारवाई करण्यात यावी अशी मागणी करणारी याचिका मुंबई हायकोर्टात दाखल करण्यात आली होती. धक्कादायक म्हणजे मुख्यमंत्री देवेंद्र फडणवीस यांची पत्नी अमृता फडवणीस या AXIS बॅंकमध्ये मोठ्या हुद्द्यावर असल्याने बँकेला झुकते माप देत राष्ट्रीय बँकांना तोटा होणारा हा निर्णय घेण्यात आल्याचे या याचिकाकार्त्याने आरोप केले होते.

याचिकेत राज्य सरकारने ११ मे २०१७ रोजी एक परिपत्रक काढून राज्यातील पोलिसांची बँक खाती तसेच संजय गांधी निराधार आवास योजनेच्या लाभार्थ्यांची खाती खासगी बँकेमध्ये उघडण्यास सांगितल्याचे म्हटले होते. या प्रकरणात देवेंद्र फडणवीस यांनी आपल्या पदाचा गैरवापर करत AXIS बॅंकेला मुद्दाम झुकते माप दिले. या निर्णयामुळे राष्ट्रीय बँकांना फटका बसला असून त्यांना तोटा सहन करावा लागत आहे.

सरकारने जारी केलेल्या या परिपत्रकानुसार घेण्यात आलेले सर्व निर्णय रद्द करावेत. यासंदर्भात सरकारने घेतलेले सर्व निर्णय, परवाणग्या, करार रद्द करावेत अशी मागणी जबलपुरे यांनी कोर्टाकडे केली होती. तसेच हा निर्णय घेताना AXIS बॅंक आणि राज्य सरकारमध्ये काय करार झाला आणि या निर्णयानंतर जेवढी पैशांची देवाणघेवाण झाली या सर्वांची सखोल चौकशी करण्यात यावी अशी मागणीही जबलपुरे यांनी कोर्टाकडे केली होती.

News English Summary: A Nagpur based RTI activist has complained to the Enforcement Directorate, seeking a probe against former Chief Minister Devendra Fadnavis for allegedly using his position to help improve the business of a private bank where his wife holds a senior position on August 2.

News English Title: AXIS bank issue raised again after tweeter war between Bhai Jagtap and Amruta Fadnavis news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.