शेअर मार्केट गडगडला, सेन्सेक्समध्ये ५७२ अंकांची घसरण, २.२८ लाख कोटींचे नुकसान

मुंबई : शेअर बाजारात आज मोठी घसरण झाली आहे. हाती ते;आलेल्या बातमीनुसार सेन्सेक्स तब्बल ५७२ अंकांनी खाली घसरला आहे. तर निफ्टीत सुद्धा मोठी घसरण पहायला मिळाली. त्यामुळे बाजारातील गुंतवणूकदारांचे तब्बल २.२८ लाख कोटी रुपयांचे एवढे नुकसान झाले आहे.

अमेरिका आणि चीनमधील ट्रेड संघर्ष आणि दुरावत चाललेले संबंध तसेच त्यातील अनिश्चिततेचे वातावरण हे प्रमुख कारण सांगितलं जात आहे. त्यात अजून भर म्हणजे भारतीय रुपयाचे आंतरराष्ट्रीय बाजारात झालेले अवमूल्यन आणि पुढच्या आठवड्यात लागणारे ५ राज्यांमधील विधानसभा निवडणुकांचे निकाल या सर्व विषयांचे थेट पडसाद आज शेअर बाजारावर उमटल्याचे तज्ज्ञ सांगतात.

निफ्टीची दिवसभरात एकूण १८१ अंकांनी घसरुन होऊन अखेर १०, ६०१ वर बंद झाला. तर दुसरीकडे मुंबई शेअर बाजाराचा सेन्सेक्स ५७२ अंकांनी घसरुन ३५, ३१२ वर स्थिरावला. यामध्ये सर्वाधिक जास्त घसरण बांधकाम आणि आयटी क्षेत्रातील शेअरमध्ये झाल्याचे पहायला मिळाले.