Alert FasTag | टोल टॅक्सचे पूर्ण पैसे न भरल्यास फास्टॅग आणि बँक खाते होईल सील

मुंबई, ०६ मार्च: केंद्र सरकारने 15 फेब्रुवारीपासून सर्व टोल नाक्यांवर फास्टॅग (FASTag) अनिवार्य केले असून, ज्या वाहनांना फास्टॅग नाही, त्यांना देशभरातील इलेक्ट्रॉनिक टोल प्लाझावर दुप्पट शुल्क भरावे लागणार आहे. रस्ते वाहतूक मंत्रालयाच्या निवेदनानुसार, राष्ट्रीय महामार्गांवर टोल कर वसूल करणारे सर्व प्लाझा ‘फास्टॅग लेन’ म्हणून घोषित करण्यात आले आहेत. हा नियम 15 फेब्रुवारीच्या मध्यरात्रीपासून अंमलात आला आहे.

डिजिटल पद्धतीने पेमेंटला प्रोत्साहन देण्यासाठी हे पाऊल उचलले गेले आहे. यामुळे देयकासाठी घेतला जाणारा वेळ कमी होईल आणि इंधनाचा वापर देखील कमी होईल. यामुळे प्रवास सोपा आणि एकूणच सुखकर होईल. एम आणि एन श्रेणीच्या गाड्यांसाठी फास्टॅगमधून टोल टॅक्स भरणे अनिवार्य करण्यात आले आहे. श्रेणी एम म्हणजे प्रवासी वाहून नेणारी चार चाकी वाहने, तर एन श्रेणी म्हणजे माल वाहून नेणारी चार चाकी वाहने. ही वाहने मालाव्यतिरिक्त माणसांनाही घेऊन जाऊ शकतात.

दरम्यान, फास्टॅग तंत्रज्ञानाने सरकारचा महसूल वेगाने वाढत आहे, तसेच देशभरातील टोल प्लाझावरील वाहतूक कोंडीची समस्या कमी होत आहे. परंतु मानवरहित टोल व्यवस्थेचा गैरफायदा घेऊन व्यावसायिक वाहने कमी टोल टॅक्स भरत असल्याच्या तक्रारी येत आहेत. अशा वाहन चालकांनी सावध व्हावे, कारण सरकारने त्यांचे फास्टॅग आणि बँक खाते सील करण्याची कारवाई सुरू केली आहे.

केंद्रीय रस्ते परिवहन आणि राज्यमार्ग मंत्रालयाच्या एका वरिष्ठ अधिकार्‍याने सांगितले की, सर्व प्रकारच्या खासगी कारसाठी जांभळ्या रंगाचा फास्टॅग दिला जातो. आणि टोल प्लाझावर त्यांच्यासाठी टोलचा दर एक समान आहे. परंतु, तीन चाकी आणि चार चाकी व्यवसायिक वाहनांच्या टोल टॅक्सचा दर त्यांच्या अ‍ॅक्सलनुसार ठरवला जातो. यासाठी व्यावसायिक वाहनांच्या श्रेणीनुसार जांभळा, गुलाबी, नारंगी, पिवळा, आकाशी आणि काळ्या रंगाचा फास्टॅग त्यांच्या अ‍ॅक्सल भारानुसार जारी केला जातो.

हायवेवरील टोल प्लाझावर वाहनाच्या फास्टॅगच्या रंगाच्या आधारावर आपोआप टोल टॅक्स भरला जातो. अधिकार्‍यांनी म्हटले की, अनेक ठिकाणी व्यावसायिक वाहने ठरलेला फास्टॅग लावत नसल्याने कमी टोल टॅक्स भरण्याच्या तक्रारी येत आहेत. परंतु, यांची संख्या जास्त नाही. अशा वाहनांचा फास्टॅग आणि बँक खाते सील करण्याची कारवाई सुरू झाली आहे. ज्यामुळे त्या वाहनाला दुप्पट टॅक्स द्यावा लागेल. विभागाची ही कमतरता दूर करण्यासाठी काम सुरू आहे. ज्यामुळे कमी टॅक्स देणार्‍या वाहनांकडून दंडासह पूर्ण टॅक्स वसूल केला जाईल.

News English Summary: Fastag technology is rapidly increasing government revenue, as well as reducing traffic congestion at toll plazas across the country. But there are complaints that commercial vehicles are paying less toll tax, taking advantage of the unmanned toll system. Such drivers should be cautious, as the government has initiated action to seal their fastag and bank accounts.

News English Title: Central government has initiated action to seal their fastag and bank accounts news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.