'वॉलमार्ट' एक लाख कोटींना ‘फ्लिपकार्ट’ला विकत घेणार?

मुंबई : भारतातील सर्वात मोठी ई-कॉमर्स कंपनी ‘फ्लिपकार्ट ऑनलाइन सर्व्हिसेस प्रायव्हेट लिमिटेड’ आपले ७५ टक्के समभाग महाकाय कंपनी ‘वॉलमार्ट’ला विकण्याची शक्यता आहे आणि तशी फ्लिपकार्टने तयारी दर्शविली आहे.

फ्लिपकार्ट आणि वॉलमार्ट मधील हा व्यवहार एक लाख ३१८ कोटी रुपयांच्या घरात जाणार आहे. या व्यवहारामागचे प्रमुख कारण वॉलमार्ट’ने जगभरात विस्तार करणे असे कारण दिले असले तरी मुख्य कारण हे अमेझॉनचा जगभरात होत असलेला विस्तार असल्याचे बोलले जात आहे.

फ्लिपकार्टमध्ये जपानच्या सॉफ्टबँक समूहाची गुंतवणूक असून ते आपली २० टक्के हिस्सेदारी सुद्धा या व्यवहारात विकणार आहेत. ‘गूगल’ची उपकंपनी अल्फाबेट सुद्धा या व्यवहारात सामील असणार आहे. फ्लिपकार्ट ऑनलाइन सर्व्हिसेस प्रायव्हेट लिमिटेडच्या संचालक मंडळाने समभागविक्रीस मान्यता दिल्याने अॅमेझॉन’ला भारतात आणि जगभरात तगडं आवाहन दिल जाणार आहे.

वॉलमार्ट’चा मूळ उद्देश सर्वात मोठी भारतीय बाजारपेठ काबीज करणे व अॅमेझॉन’ला मोठे आव्हान निर्माण करणे हे आहे. लवकरच संपूर्ण व्यवहार आणि त्यामागचे आकडे समोर येतील.