केंद्रीय अर्थमंत्र्यांनी जूनमध्ये पुरवणी अर्थसंकल्प सादर केला पाहिजे - पृथ्वीराज चव्हाण

मुंबई, ४ जून : केंद्रीय अर्थमंत्र्यांनी जून महिन्यात पुरवणी अर्थसंकल्प सादर करावा, अशी मागणी माजी मुख्यमंत्री आणि काँग्रेसचे ज्येष्ठ नेते पृथ्वीराज चव्हाण यांनी केली आहे. भारतीय अर्थव्यवस्थेला हातभार लावण्यासाठी कर आकारणी आणि कर्ज योजना यांची पुनर्रचना करण्याचं मतही त्यांनी बोलून दाखवलं.

अर्थव्यवस्थेतील गंभीर मंदीमुळे १ फेब्रुवारी ला सादर केलेले #अंदाजपत्रक निर्रथक ठरले आहे. अंदाजित कर संकलन, कर्ज, आणि विकास खर्च कपात व नव्या प्राघान्य क्रमाची फेरमांडणी करावी लागेल. त्यामुळे @FinMinIndia नी येणाऱ्या अधिवेशनात पुरवणी अर्थसंकल्प मांडून संसदेची मंजूरी घेतली पाहीजे.

— Prithviraj Chavan (@prithvrj) June 4, 2020

“भारतीय अर्थव्यवस्थेवरील संकटामुळे १ फेब्रुवारीला सादर केलेला अर्थसंकल्प अप्रासंगिक ठरला आहे. त्यामुळे केंद्रीय अर्थमंत्र्यांनी जून महिन्यात पुरवणी अर्थसंकल्प सादर केला पाहिजे. नवीन महसूल प्रवाह, कर आकारणी, कर्ज योजना, प्राधान्यानुसार सुधारित खर्च, विकास आराखड्यात कपात करुन सादर होणाऱ्या बजेटला लोकसभेने मंजूर करणे आवश्यक आहे” अशी मागणी पृथ्वीराज चव्हाण यांनी केली आहे.

News English Summary: Former Chief Minister and senior Congress leader Prithviraj Chavan has demanded that the Union Finance Minister present a supplementary budget in June. He also called for restructuring of taxation and debt planning to help the Indian economy.

News English Title: Former CM Prithviraj Chavan has demanded that the Union Finance Minister present a supplementary budget in June News Latest Updates.