मुकेश अंबानींची भूक वाढली आहे | त्यासाठी शेतकऱ्यांवर विधेयके लादली

पुणे, १६ डिसेंबर: मोदी सरकारचे कृषी कायदे हे अंबानी यांच्यासारख्या उद्योगपतींच्या भल्यासाठी आहेत. मुकेश अंबानी यांची भूक वाढली आहे. त्यासाठी शेतकऱ्यांवर नको असलेली विधेयके लादली जात असल्याचा आरोप खासदार आणि स्वाभिमानी शेतकरी संघटनेचे नेते राजू शेट्टी यांनी केला. (Former MP Raju Shetty party will march on Mukesh Ambani’s Mumbai office)

राजू शेट्टी यांनी बुधवारी पुण्यात प्रसारमाध्यमांशी संवाद साधला. यावेळी त्यांनी उद्योगपती मुकेश अंबानी यांच्या कार्यालयावर 22 तारखेला मोर्चा काढणार असल्याचे जाहीर केले. मुंबई जिल्हाधिकारी कार्यालय ते बीकेसीतील रिलायन्सच्या कार्यालयापर्यंत हा मोर्चा काढला जाईल. या मोर्चात बच्चू कडू आणि बाबा आढाव यांच्या संघटनांचाही सहभाग असणार आहे. तसेच वंचित बहुजन आघाडीचे सर्वेसर्वा प्रकाश आंबेडकर यांनीही मोर्चात सहभागी व्हावे, असे आवाहन देखील शेट्टी यांनी केले.

राजू शेट्टी यांनी केंद्र सरकारवरही टीकेची तोफ डागली आहे. सरकारला हे आंदोलन चिरडायचे आहे का? तसं केल्यास मोदी शहांना मोठी किंमत चुकवावी लागेल. सरकारी अन्न गोदामे अदानी, अंबानीच्या घशात घालण्याचे कारस्थान हे सरकार करत आहेत. अदानी, अंबानी नव्हे तर शेतकरीही या देशात राहतात, असं राजू शेट्टी यांनी म्हटलं आहे. शिवाय, २२ डिसेंबर रोजी स्वाभिमानी शेतकरी संघटना, प्रहार, शेतकरी कामगार पक्ष,लोक संघर्ष मोर्चा मुंबई उपनगर जिल्हाधिकारी कार्यालय ते बीकेसीतील रिलायन्स इस्टेटपर्यंत संघर्ष मोर्चा काढणार असल्याची माहितीही त्यांनी दिली आहे.

News English Summary: The Modi government’s agricultural laws are for the benefit of industrialists like Ambani. Mukesh Ambani’s appetite has increased. Raju Shetty, MP and leader of Swabhimani Shetkari Sanghatana, alleged that unwanted bills were being imposed on farmers for this.

News English Title: Former MP Raju Shetty party will march on Mukesh Ambani’s Mumbai office News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.