मोदी ट्विटमध्ये म्हणाले होते | अर्थव्यवस्था धोक्यात आहे | तरुणांना रोजगार हवा आहे

नवी दिल्ली, २ सप्टेंबर : पहिल्या तिमाहीतील भारतीय अर्थव्यवस्थेच्या विकासदराची आकडेवारी समोर आल्यानंतर काँग्रेस खासदार राहुल गांधी यांनी अपेक्षेप्रमाणे मोदी सरकारवर हल्ला चढवला होता. भारताचा विकासदर जवळपास उणे २४ टक्के इतका नोंदवण्यात आला आहे. स्वतंत्र भारताच्या इतिहासातील ही सर्वात निचांकी घसरण आहे. याबाबत मी अगोदरच इशारा दिला होता. परंतु, दुर्दैवाने केंद्र सरकारने त्याकडे दुर्लक्ष केले, असे ट्विट राहुल गांधी यांनी केले होते.

एप्रिल ते जून या तिमाहीत भारतीय अर्थव्यवस्थेच्या विकासदराने उणे २३.९ टक्के ऐतिहासिक निचांकी पातळी गाठली. ४० वर्षांत पहिल्यांदाच जीडीपीमध्ये इतकी मोठी घसरण झाली आहे. अर्थव्यवस्थेतील प्रमुख क्षेत्रांची तुलना करायची झाल्यास बांधकाम, उत्पादन आणि खाणकाम क्षेत्राला सर्वाधिक फटका बसला आहे.

दरम्यान, माजी केंद्रीय अर्थमंत्री व काँग्रेसचे ज्येष्ठ नेते पी. चिदंबरम यांनीही नरेंद्र मोदी यांना त्यांचं २०१३ मधील एक ट्विट दाखवत टीका केली आहे. माजी केंद्रीय अर्थमंत्री पी. चिदंबरम यांनी पंतप्रधान नरेंद्र मोदी यांनी ३० नोव्हेंबर २०१३ रोजी ट्विट केलं होतं. त्या ट्विटकडे चिदंबरम यांनी मोदींचं लक्ष वेधलं आहे. त्याचबरोबर “मलाही आदरणीय पंतप्रधानांना हेच सांगायचं आहे,” असं म्हणत टीका केली आहे.

I have to say the same thing to the Honourable Prime Minister! pic.twitter.com/reNmp84mRu

— P. Chidambaram (@PChidambaram_IN) September 2, 2020

२०१३ मध्ये केंद्रात काँग्रेसच्या नेतृत्वाखाली युपीए-२ सरकार अस्तित्वात होतं. तर पंतप्रधान होते डॉ. मनमोहन सिंग. त्यावेळी नरेंद्र मोदी हे गुजरातचे मुख्यमंत्री होते. त्यावेळी त्यांनी भारतीय अर्थव्यवस्था व रोजगारासंदर्भात एक ट्विट केलं होतं. “अर्थव्यवस्था संकटात आहे. तरुणांना रोजगार हवायं. शुल्लक राजकारण करण्यापेक्षा अर्थशास्त्राला जास्त वेळ द्या. चिदंबरमजी, हातांना रोजगार देण्याकडे लक्ष द्या,” असं मोदी म्हणाले होते.

News English Summary: The Modi government is currently facing criticism from the opposition over the declining GDP. Opposition groups have been trying to oust the government since the GDP figures were released, and Congress leaders have been seen covering the Modi government’s policies. Former Union Finance Minister and senior Congress leader P. Chidambaram has also criticized Narendra Modi for showing a tweet from 2013.

News English Title: I Have To Say The Same Thing former Finance Minister P Chidambaram Shares Pms 2013 Tweet News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.