PM केअर्स फंडाला २१ कोटीचं दान देणाऱ्या कंपनीने २००० कर्मचाऱ्यांना कामावरून काढलं

नवी दिल्ली, २७ मे: इंडिया बुल्स ही भारतातील विख्यात कंपनी आहे. या कंपनीने नुकतेच पंतप्रधान नरेंद्र मोदी यांच्या पीएम केअर्स फंडाला २१ कोटी रुपयांची आर्थिक मदत दिली आहे. त्यानंतर या कंपनीने त्यांच्या २,००० कर्मचाऱ्यांना व्हॉट्सऍप कॉलद्वारे कामावरून काढून टाकले आहे, असा आरोप कर्नाटकातील काँग्रेस पक्षाच्या सोशल मीडियाच्या प्रमुख असलेल्या श्रीवत्सा यांनी केला आहे. श्रीवत्सा यांनी इंडिया बुल्सद्वारे कर्मचाऱ्यांना कामावरून काढून टाकण्याचा हा व्हाट्सऍप कॉलचा व्हिडिओसुद्धा जगजाहीर केला आहे.

कर्नाटकातील काँग्रेस नेते श्रीवत्सा यांनी आरोप केला आहे की, इंडिया बुल्स कंपनी भाजपाला २०१४ पासून देणग्या देत आहे. आतापर्यंत इंडिया बुल्सने भाजपाला शेकडो कोटी रुपये दिले आहेत. नुकतेच इंडिया बुल्सने मोदींच्या पीएम केअर्स फंडाला २१ कोटी रुपये देणगी दिली आहे. काँग्रेस नेते श्रीवत्सा यांनी इंडिया बुल्स कंपनीच्या एका अधिकाऱ्याचा व्हाट्सऍप कॉलचा व्हिडिओ प्रसिद्ध केला आहे. त्यात हा अधिकारी एका कर्मचाऱ्याला सांगतो की, आता तुम्हा सर्व कामगारांचा ३१ मे हा शेवटचा दिवस आहे. जर तुम्ही त्या अगोदरच आपला राजीनामा दिलात तर तुम्हाला इंडिया बुल्स कंपनीद्वारे मे महिन्याचा पगार दिला जाईल. तसेच एक्सपिरीयन्स लेटर्सही दिली जातील आणि जर तुम्ही राजीनामे दिले नाही तर तुम्हा सर्वांना कंपनी कामावरून काढून टाकू शकते.

एकीकडे कोरोना महामारीमुळे संपूर्ण देशभर लॉकडाऊन आणि संचारबंदी सुरू आहे. अनेक कंपन्यांची आर्थिक स्थिती डबघाईला आली आहे. त्यामुळे अनेक कंपन्यांनी आपल्या कर्मचाऱ्यांना कामावरून काढून टाकले आहे. मात्र इंडिया बुल्स कंपनीची आर्थिक स्थिती चांगली आहे, हे या कंपनीने पीएम केअर्स फंडाला २१ कोटी रुपये देणगी दिल्याने दिसून आले आहे. इंडिया बुल्स कंपनीमध्ये 26 हजार कर्मचारी काम करतात. त्यापैकी २ हजार कर्मचाऱ्यांना कामावरून काढून टाकण्यात आले आहे. या कर्मचाऱ्यांनी आरोप केला आहे की, कंपनीने आम्हाला 3 महिन्याची नोटीस दिल्याशिवाय कामावरून काढून टाकले आहे.

News English Summary: India Bulls is a well known company in India. The company has recently donated Rs 21 crore to Prime Minister Narendra Modi’s PM Care Fund. The company has since sacked 2,000 of its employees through WhatsApp calls, alleged Shrivatsa, the Congress party’s social media chief in Karnataka.

News English Title: India Bulls company has sacked 2000 of its employees through WhatsApp calls News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.