भारतीय रुपयाची ऐतिहासिक घसरण, डॉलरमागे तब्बल ७३ ची पातळी ओलांडली

नवी दिल्ली : अमेरिकी डॉलरपुढे भारतीय रुपयाचे विनिमय मूल्य रोज नवे नीचांक गाठताना दिसत आहे. सर्व प्रमुख आशियाई देशांच्या चलनांच्या तुलनेत भारतीय रुपयाचे मूल्य खूप वेगाने घसरत आहे. आज बुधवारी सकाळच्या सत्रात रुपया ३४ पैशांच्या घसरणीने प्रति डॉलर ७३.३४ असा विक्रमी निच्चांकी तळ रुपयाने गाठला आहे, परिणामी महागाईमध्ये प्रचंड वाढ होण्याची शक्यता आहे.

कच्या तेलाच्या आंतरराष्ट्रीय बाजापेठेतील किमती प्रति बॅरेल ८५ डॉलर पर्यंत जाऊन पोहोचल्या आहेत. विशेष म्हणजे ज्या आशिया खंडात भारत एक प्रमुख अर्थव्यवस्था आहे, त्या प्रमुख आशियाई चलनांच्या तुलनेत भारतीय रुपयाचे मूल्य सर्वात वेगाने घसरत असून देशाची ८० टक्के इंधन गरज आयातीद्वारे भागविणाऱ्या देशाच्या अर्थव्यवस्थेसाठी रुपयाची घसरण म्हणजे मोठी चिंतेचा बाब आहे आहे.

दरम्यान, इंधन महागल्याने महागाईमध्ये मोठी वाढ होण्याची शक्यता आहे. त्यात पुन्हा दिवाळी दसरा जवळ आल्याने महागाई अजून भडकण्याची शक्यता आहे आणि त्यामुळे सामान्य माणसाचं वाढत्या महागाईमुळे कंबरडं मोडण्याची शक्यता आहे.

Indian #Rupee now at 73.33 versus the US dollar. pic.twitter.com/kMde7nS54B

— ANI (@ANI) October 3, 2018