इन्कम टॅक्स रिटर्न भरण्यास मुदतवाढ...जाणून घ्या तारीख

नवी दिल्ली, ४ जुलै : आयकर परतावे (ITR) भरण्यास मुदत वाढ देण्यात आली आहे. गेल्या आर्थिक वर्षाचा परतवा भरता येणार असल्याने नोकरदार वर्गाला मोठा दिलासा मिळाला आहे. अनेक खासगी कंपन्यांचे फॉर्म १६ अजूनही तयार नसल्याने परताव्याच्या प्रक्रियेला सुरुवात झालेली नाही. त्यामुळे आयकर विभागाने आधीची ३१ ऑक्टोबरची मुदत ३० नोव्हेंबरपर्यंत वाढवली आहे.

२०१९-२० या आर्थिक वर्षाचा इन्कम टॅक्स रिटर्न (ITR) भरण्याची मुदत ३० नोव्हेंबरपर्यंत वाढवण्यात आली आहे. इन्कट टॅक्स भरण्याची मुदत पाच महिन्याने वाढवल्यामुळे करदात्यांना दिलासा मिळाला आहे. शनिवारी इन्कम टॅक्स विभागानं आपल्या अधिकृत ट्विटरद्वारे इन्कम टॅक्स रिटर्न भरण्याची मुदत वाढवल्याची माहिती दिली.

२०१९-२०२० या आर्थिक वर्षाचे आयकर रिटर्न दाखल करण्यासाठी गुरुवारी आयकर खात्याने सेव्हिंग इन्वेस्टमेंटची तारीख ३१ जुलै असल्याचे जाहीर केले होते. याचा अर्थ या आर्थिक वर्षात ३१ जुलै २०२० पर्यंत करबचतीसाठी गुंतवणूक करता येणार आहे. म्हणजे ३१ जुलैपर्यंत आपण केलेली गुंतवणूक ३० नोव्हेंबरच्या रिटर्नमध्ये दाखवता येणार आहे. आयकरातून सवलत मिळण्यासाठी लाइफ इन्शुरन्स, ईपीएफ, नॅशनल सेव्हिंग सर्टिफिकेट, इक्विटी लिंक्ड सेविंग स्कीम याची माहिती आयकर रिटर्न भरताना करदात्यांने दिल्यास त्याला करात सवलत मिळणार आहे. २०१९-२०२० या वर्षातील टीडीएस आणि टीसीएस स्टेटमेंट पूर्ण करण्याची तारीखही १५ ऑगस्टपर्यंत आयकर खात्याने वाढवली आहे.

News English Summary: The Income Tax Department has announced a further extension to the deadline for filing income tax return (ITR) for the financial year (FY) 2019-20 to November 30.

News English Title: ITR filing deadline for FY 2019 20 extended till November 30 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.