VIDEO: हे काय? मोदींच्या हेलिकॉप्टरमधून बॉक्स उतरवून ते पटापट इनोव्हामध्ये लोड केले?

कर्नाटक : काँग्रेस पक्षाने एक व्हिडिओ सार्वजनिक करून मोदींना कोंडीत पकडून काही गंभीर प्रश्न उपस्थित केले आहेत. कर्नाटकातील सभेसाठी मोदी एका हेलिपॅडवर उतरले आणि त्याच दरम्यान काही घडलेला घटनाक्रम कॅमेऱ्यात कैद झाल्याने खळबळ माजली आहे. त्यानुसार मोदींच हेलिकॉप्टर जमिनीवर उतरताच काही क्षणात एक मोठा बॉक्स उतरविण्यात आला आणि तो काही जणांनी धावत पळत एका जवळच उभ्या असलेल्या पांढऱ्या रंगाच्या इनोव्हामध्ये लोड करण्यात आला.

युथ काँग्रेसचे इनचार्ज श्रीवत्स यांनी एक व्हिडिओ देखील पुराव्यादाखल ट्विट केला आहे आणि काही गंभीर प्रश्न उपस्थित केले आहेत. त्यात असं देखील म्हटलं आहे की या ठिकाणी मोदींची सभा देखील आयोजित करण्यात आली होती. काही दिवसांपूर्वी भाजपच्या एका मुख्यमंत्रीच्या सोबत असलेल्या गाडीत देखील मोठी रोकड निवडणूक अधिकाऱ्यांच्या धाडीत जप्त करण्यात आली होती.

तसेच ‘द टेलिग्राफ’ ने प्रसिद्ध केलेल्या वृत्तानुसार काँग्रेस कर्नाटक राज्य अध्यक्ष दिनेश गुंडू राव यांनी देखील हाच व्हिडिओ शेअर केला आहे आणि अनेक गंभीर प्रश्न उपस्थित केले आहेत. त्यात त्यांनी म्हटलं आहे, ‘चित्रदुर्ग येथे मोदींच्या हेलिकॉप्टरमधून एक बॉक्स रहस्यमयरित्या उतरविण्यात आला, त्यानंतर तो बॉक्स मोठ्या लगबगीने एका इंनोव्हमध्ये लोड करण्यात आला आणि लगेच ती गाडी तिथून पळविण्यात आली. त्यामुळे निवडणूक आयोगाने याची चौकशी करण गरजेचं आहे. त्यानुसार त्या बॉक्समध्ये काय होतं? तसेच ती गाडी कोणाची होती? तसेच तो बॉक्स पंतप्रधानांच्या सुरक्षेसंबंधित प्रोटोकॉलचा भाग होता का? तसेच तो इनोव्हा गाडी पंतप्रधानांच्या सुरक्षेसंबंधित गाड्यांच्या ताफ्याशी संबंधित होती का? तसेच ती कर नेमकी कोणाही होती? असे अनेक गंभीर प्रश्न उपस्थित करण्यात आले आहेत.

Suspicious box was offloaded from the PM’s helicopter in Chitradurga, Karnataka today.

It was rushed to a waiting Innova, which then sped away

The question is,

Why was the box not part of security protocol?

Why wasn’t the Innova part of PM’s convoy? Whose car was it?

(1/n) pic.twitter.com/lJWVPC5neb

— Srivatsa (@srivatsayb) April 13, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.