मेक्सिकोत गॅस पाइपलाइन फुटून ७१ जणांचा मृत्यू

मेक्सिको : मेक्सिकोमधील हिडाल्गो शहरात चोरी करण्याच्या प्रयत्नात मुख्य गॅस पाइपलाइन फुटून शुक्रवारी भीषण अपघाताची घटना घडली आहे. या अग्नी तांडवानंतर झालेल्या भीषण स्फोटात तब्बल ७१ निरपराधांचे प्राण गेले आहेत. भीषण आगीमुळे त्यांचा होरपळून मृत्यू झाला आहे आणि अजून अनेकजण गंभीर जखमी झाले आहेत असे वृत्त आहे. दरम्यान, या धक्कादायक दुर्घटनेतील मृतांचे मृतदेह जवळपास १०० टक्के जळाल्याने अनेकांना ओळखणेच कठीण होऊन बसले आहे.

मेक्सिकोतील हिडाल्गो शहरात स्थानिकांनी तेल चोरी करण्याच्या नादात मुख्य पाइपलाइनला छिद्र केले. त्यामुळेच हा भीषण अपघात झाला आहे. हा अति भीषण आगीनंतर आसपासच्या परिसरात मोठ्या प्रमाणात इंधनाची गळती सुद्धा झाली होती. दरम्यान, मेक्सिकोमध्ये इंधन चोरीचा भस्मासुर प्रशासकीय त्यातूनच इंधन सुरक्षा प्रश्न सरकारसाठी डोकेदुखीचा ठरला आहे. दरम्यान, याआधी २०१७ मध्ये मेक्सिकोला इंधन चाेरीमुळे तब्बल ३ अब्ज डॉलर्सचा आर्थिक फटका सुद्धा बसला होता. त्यावेळी या प्रकरणात १३,००० खटले दाखल करण्यात आले होते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.