भारताचा आर्थिक विकास तब्बल ११.५ टक्क्यांनी घटणार | मूडीजचा अंदाज

नवी दिल्ली, ११ सप्टेंबर : जागतिक रेटिंग एजन्सी मूडीजनं तब्बल २२ वर्षांनंतर भारताच्या पतमानांकनात म्हणजेच रेटिंगमध्ये जून महिन्यात घट केली होती. भारताला यापुढं विविध संस्थाच्या माध्यमातून आर्थिक नीती प्रभावीपणे लागू करता येणार नाही शिवाय अनेक आव्हानांचा सामना करावा लागणार आहे. केंद्राने जाहीर केलेल्या २० लाख कोटींचे आर्थिक पॅकेजही पुरेसे नाही. त्यामुळे कमी वृद्धीचा धोका काही काळ राहणार आहे. म्हणूनच मूडीजनं बीएए २ वरून भारताची रेटिंग यापूर्वीच बीएए ३ केली होती.

मागील काही कालावधीपासून भारत आपल्या क्षमतेच्या तुलनेत कमी वृद्धी करत आहे . तसेच कर्जाचं ओझं वाढत असून कर्जाची परतफेड होण्यात अडचणींचा सामना करावा लागेल. त्यामुळे वित्तीय प्रणालीवर दबाव येणार असल्याचं भाकितही मूडीजनं केलं होतं.

जूनमध्ये जाहीर झालेली बीएए ३ रेटिंग म्हणजे गुंतवणूक ग्रेड मानली जाते. भारतात गुंतवणूक ग्रेड असणारी अर्थव्यवस्था काही काळ राहील. मूडीजनं २०१७ मध्येच रेटिंग वाढवून बीएए २ केली होती. पण, सॉवरिन क्रेडीट प्रोफाईल पोषक नाही. विशेष म्हणजे मूडीजचा अंदाज कोरोनामुळे वर्तवला नाही. तर मागील वर्षीच हा अंदाज वर्तवला होता.

मात्र त्यानंतर मूडीजकडून भारतीय अर्थव्यवस्थेसाठी अजून एक चिंता वाढवणारी बातमी समोर आली आहे. चालू आर्थिक वर्षात भारताच्या आर्थिक विकासात तब्बल ११.५ टक्के इतकी घट होईल असा अंदाज व्यक्त केला आहे. त्यामुळे आधीच GDP मध्ये ऐतिहासिक घसरण झालेली असताना मूडीजच्या अंदाजामुळे मोदी सरकारची डोकेदुखी वाढण्याची शक्यता आहे.

Moody’s projects 11.5 per cent contraction in India’s economic growth in current fiscal

— Press Trust of India (@PTI_News) September 11, 2020

News English Summary: Another worrying news for the Indian economy has come from Moody’s. India’s economic growth is projected to slow to 11.5 per cent in the current financial year. So while the GDP has already plummeted, Moody’s estimates are likely to add to the Modi government’s headaches.

News English Title: Moody projects 11 point 5 percent contraction in India’s economic growth in current fiscal Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.