कोरोना काळात जग ठप्प असतानाही मुकेश अंबानींच्या संपत्तीत 24%, तर अदानींची संपत्ती दुप्पट

नवी दिल्ली, ०२ मार्च: कोरोना महामारीमुळे एकीकडे देश आर्थिक संकटांचा सामना करत आहे, तर दुसरीकडे देशातील भांडवलदारांच्या संपत्तीत मोठी वाढ झाली आहे. हुरुन ग्लोबल रिच लिस्ट 2021 नुसार, कोरोना काळात भारतात 40 अब्जाधिशांची वाढ झाली आहे. यासोबतच अब्जाधिशांची संख्या 177 वर पोहचली आहे. या रिपोर्टनुसार, मुकेश अंबानी यांच्या संपत्तीत 2020 मध्ये 24% वाढ झाली आहे.

जगातील सर्वात श्रीमंतांच्या यादीत अंबानी 8 व्या नंबरवर:
जगातील सर्वात श्रीमंत लोकांच्या या वार्षिक यादीमध्ये भारतातील उद्योगपती मुकेश अंबानी 8 व्या क्रमांकावर आहे. रिपोर्टनुसार, अंबानीकडे 6.1 लाख कोटी रुपये (83 बिलियन डॉलर) ची संपत्ती आहे. या लिस्टमध्ये मागच्या वर्षी अंबानी 9 व्या स्थानी होते.

गौतम अडानींच्या संपत्तीत दुपटीने वाढ:
या रिपोर्टनुसार गुजरातमधील व्यापारी गौतम अडानी यांच्या संपत्तीत मागील काही वर्षापासून वेगाने वाढ झाली आहे. 2020 मध्ये त्यांच्या संपत्तीत दुपटीने वाढ होऊन 2.34 लाख कोटी (32 बिलियन डॉलर) झाली आहे. यासोबतच जगातील सर्वात श्रीमंतांच्या यादीत 45व्या स्थानी आले आहेत. IT कंपनी HCL चे शिव नडार 1.98 लाख कोटी (27 बिलियन डॉलर) संपत्तीसह भारतातील तिसरे श्रीमंत व्यक्ती बनले आहेत.

News English Summary: The Corona epidemic has led to economic hardships in the country and a huge increase in the wealth of the country’s capitalists. According to the Hurun Global Rich List 2021, India has grown by 40 billionaires during the Corona period. With this, the number of billionaires has reached 177. According to the report, Mukesh Ambani’s wealth has increased by 24% in 2020.

News English Title: Mukesh Ambani and Gautam Adani wealth increased during Corona crisis in 2020 news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.