घरगुती गॅसच्या दरात अजून 25 रुपयाने वाढ | मोठ्या शहरांत अनुदान पूर्णपणे बंद

नवी दिल्ली, २६ फेब्रुवारी: सरकारी तेल कंपन्यांनी गुरुवारी घरगुती गॅसच्या दरात पुन्हा सिलिंडरमागे २५ रुपये वाढ केली. यामुळे दिल्लीत १४.२ किलोच्या सिलिंडरचे दर ७६९ रुपयांवरून ७९४ रुपये झाले. वाढीव दर २५ फेब्रुवारीपासूनच लागू झाला आहे. ही वाढ उज्ज्वला योजनेच्या लाभार्थींसह अनुदानित आणि विनाअनुदानित सिलिंडरवर लागू असेल.

फेब्रुवारी महिन्यातील ही तिसरी वाढ आहे. यापूर्वी ४ फेब्रुवारीला २५ रुपये आणि १५ फेब्रुवारीला ५० रुपये वाढवण्यात आले होते. यामुळे एका महिन्यातच सिलिंडर १०० रुपये महाग झाला आहे. डिसेंबरनंतर त्यात १५० रुपये वाढ झाली. तेल कंपन्यांचे म्हणणे आहे की, आंतरराष्ट्रीय पातळीवरील वाढत्या दरात मागणीचा पुरवठा करण्यासाठी गॅस सिलिंडरचे दर वाढवण्यात आले होते.

मोठ्या शहरांत अनुदान पूर्णपणे बंद : तेल कंपनीच्या एका अधिकाऱ्याने सांगितले की, मेट्रो व मोठ्या शहरांत सिलिंडरवरील अनुदान बंद केले आहे. दिल्लीसारख्या शहरात सर्व ग्राहकांना पूर्ण किंमत द्यावी लागत आहे.

News English Summary: State-owned oil companies on Thursday hiked domestic gas prices by Rs 25 per cylinder. As a result, the price of a 14.2-kg cylinder in Delhi has gone up from Rs 769 to Rs 794. The hike has been in effect since February 25. This increase will be applicable to subsidised and non subsidised cylinders with the beneficiaries of Ujjwala scheme.

News English Title: Oil companies on Thursday hiked domestic gas prices by Rs 25 per cylinder news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.