मोटार सायकल ते शेतीचा ट्रॅक्टर, पेट्रोल-डिझेल दराने सर्वच हैराण...केंद्राविरोधात संताप

मुंबई, २९ जून : लॉकडाऊन शिथिल झाल्यानंतर सलग २१ दिवस झालेल्या इंधन दरवाढीला रविवारी ब्रेक लागला. मात्र आज सोमवार उजाडताच हे दरवाढीचे सत्र पुन्हा सुरू झाले आहे. आज मुंबई आणि दिल्लीसह देशाच्या अनेक भागांमध्ये पेट्रोल-डिझेल महागले आहे. मुंबईत पेट्रोलच्या दरात ५ पैशांची, तर डिझेलच्या दरात १२ पैशांची वाढ झाली आहे. त्यामुळे मुंबईकरांना आता प्रतिलिटर पेट्रोलमागे ८७.१७ रुपये, तर प्रतिलिटर डिझेलमागे ७८.८१ रुपये मोजावे लागणार आहेत. सलग या इंधन दरवाढीने सर्वसामान्य जनतेचे कंबरडे मोडले आहे.

Delhi: Price of petrol increases to Rs 80.43 (increase by Re 0.05) and that of diesel increases to Rs 80.53 (increase by Re 0.13), a day after there was no change in the prices in the national capital yesterday. pic.twitter.com/yQwiqa5AYG

— ANI (@ANI) June 29, 2020

दरम्यान, ७ जूनपासून सलग होणाऱ्या इंधन दरवाढीला रविवारी ब्रेक लागला. मात्र आज सोमवारचा दिवस उजाडताच या दरवाढीचे सत्र पुन्हा सुरू झाले आहे. देशभरात मार्च महिन्यापासून सुरू असलेल्या लॉकडाऊनमुळे आर्थिक संकट ओढावलेले असतानाच दररोज होणाऱ्या इंधन दरवाढीनेही सर्वसामान्य जनतेचे कंबरडे मोडले आहे. याविरोधात काँग्रेस पक्ष आज राज्यव्यापी आंदोलन करणार आहे. आज सकाळी १० ते १२ या वेळत सर्व जिल्हा मुख्यालयाच्या ठिकाणी धरणे आंदोलन करून इंधन दरवाढ मागे घेण्याची मागणी केली जाणार आहे. यावेळी राष्ट्रपतींच्या नावे एक निवेदन देण्यात येणार आहे. त्यानंतर या मोहिमेचा दुसरा टप्पा ३० जून ते ४ जुलै या सप्ताहात ब्लॉक व तालुका स्तरावर धरणे आंदोलन करुन केला जाणार आहे.

News English Summary: The 21-day fuel price hike came to a halt on Sunday after the lockdown eased. However, the hike has resumed on Monday morning. Today, petrol and diesel are expensive in many parts of the country, including Mumbai and Delhi. In Mumbai, petrol price has been hiked by 5 paise and diesel by 12 paise.

News English Title: Petrol diesel prices have gone up in many parts of the country including Mumbai and Delhi News Latest Updates.