संजय राऊतांचे निकटवर्तीय प्रवीण राऊत यांची ७२ कोटीची मालमत्ता ईडीकडून जप्त

मुंबई, ०१ जानेवारी : शिवसेनेचे राज्यसभेचे खासदार संजय राऊत यांच्या पत्नी वर्षा राऊत यांना अंमलबजावणी संचालनालयाने (ईडी) नोटीस बजावल्यामुळे भारतीय जनता पक्ष आणि शिवसेनेत घमासान पाहायला मिळाले. दरम्यान PMC Bank घोटाळ्याप्रकरणी प्रवीण राऊत यांची ईडीने ७२ कोटीची मालमत्ता जप्त केली आहे. शिवसेनेचे खासदार संजय राऊत यांचे निकटवर्तीय असणाऱ्या प्रवीण राऊत यांना ईडीने दणका दिला आहे.

प्रसार माध्यमांना मिळालेल्या माहितीनुसार, PMC Bank घोटाळ्याची गेल्या काही दिवसांपासून चौकशी सुरु आहे. या चौकशीच्या पार्श्वभूमीवर ईडीने प्रवीण राऊत यांना समन्स बजावत चौकशी केली होती. या चौकशीनंतर काही दिवसांपूर्वी ईडीने प्रवीण राऊत यांना अटक केली होती. या अटकेनंतर आता ईडीने प्रवीण राऊत यांची ७२ कोटींची संपत्ती जप्त केली.

ED attaches properties worth ₹ 72 crores belonging to Pravin Raut under PMLA in a PMC Bank loan cheating case.

— ED (@dir_ed) January 1, 2021

खासदार संजय राऊत यांचे निकटवर्तीय प्रवीण राऊत यांच्या अकाउंटमधून काही व्यवहार वर्षा राऊत यांच्या अकाऊंटमध्ये झाल्याची माहिती सूत्रांनी दिली आहे. याच व्यवहाराशी संबंधित अधिक माहिती जाणून घेण्यासाठी ईडीने वर्षा राऊत यांना समन्स बजावले होते.

News English Summary: Varsha Raut, wife of Shiv Sena Rajya Sabha MP Sanjay Raut, has been issued a notice by the Enforcement Directorate (ED). Meanwhile, Praveen Raut’s ED has seized assets worth Rs 72 crore in the PMC Bank scam. Praveen Raut, who is close to Shiv Sena MP Sanjay Raut, has been slapped by the ED.

News English Title: PMC Bank scam Pravin Raut property confiscated by ED news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.