कोल्हापूरातील दि सुभद्रा लोकल एरिया बँकेचा परवाना आरबीआय'कडून रद्द

कोल्हापूर, २५ डिसेंबर: ठेवीदारांच्या हिताला बाधा येण्याचा धोका आणि बँकिंग नियमांचं उल्लंघन केल्याप्रकरणी कोल्हापूरातील दि सुभद्रा लोकल एरिया बँकेचा रिझर्व्ह बँकेने बँकिंग परवाना रद्द केला आहे. पण दुसरीकडे ठेवीदारांनी हावालदिल होवू नये ठेवी परत करण्या इतपत बँकेची आर्थिक परिस्थिती असल्याचं देखील रिझर्व्ह बँकेने आपल्या आदेशात म्हटलंय. त्यामुळे बँकेच्या ठेवीदाराना एका अर्थाने दिलासा मिळाला आहे.

दि सुभद्रा लोकल एरिया बँकेला 10 जुलै 2003 रोजी बँकिंग परवाना मिळाला होता..सुरुवातीला ही बँक कोल्हापूर जिल्हा मर्यादित होती, नंतर मात्र या बँकेचा कार्यविस्तार सातारा, सांगली, बेळगाव आणि पुण्या मध्ये वाढला. मात्र अनेक शाखा मधील काम हळू हळू कमी होवू लागलं आहे. त्यामुळे सद्याच बँकेचे कामकाज हे भविष्यात ठेवीदारांच्या हितास हानिकारक ठरेल आणि त्यातून ठेवीदारांच मोठं नुकसान होईल असा निष्कर्ष रिझर्व्ह बँकेने काढला.

या बँकेच्या कोल्हापूर, सांगलीत एकूण 13 शाखा आहेत. शिवाय सातारा आणि बेळगावमध्येही बँकेच्या शाखा असल्याने या मालमत्ता विकून ठेवीदारांना त्यांची जमा पुंजी दिली जाऊ शकते, असं सूत्रांनी सांगितलं.

आरबीआयने मुंबईतील सीकेपी को-ऑपरेटिव्ह बंकेचा परवानाही रद्द केला होता. मात्र, आरबीआयने 1,32,170 ठेवीदारांना 99.2 टक्के रक्कम डीआयसीजीसीद्वारे देण्याचा निर्णय घेतला होता. तोच निर्णय सुभद्रा बँकेच्या ठेवीदारांसाठी घेतल्यास या ग्राहकांनाही त्यांची जमा पुंजी मिळेल. अथवा रिझर्व्ह बँकेचे पुढील आदेश येईपर्यंत ही रक्कम गोठवली जाऊ शकते, असं सूत्रांनी सांगितलं. या ठेवीदारांना त्यांची रक्कम मिळण्यासाठी आणखी एक पर्याय सांगितला जातो, तो म्हणजे या बँकेचे दुसऱ्या एखाद्या बँकेत विलिनिकरण केल्यास ग्राहकांना त्यांची जमा रक्कम मिळू शकते. अर्थात आरबीआयच्या पुढील निर्णयावरच या गोष्टी अवलंबून असल्याचं सूत्रांनी सांगितलं.

News English Summary: The Reserve Bank of India (RBI) has revoked the banking license of The Subhadra Local Area Bank in Kolhapur on the ground of risk to the interests of depositors and violation of banking rules. On the other hand, the RBI has said in its order that the bank is in a financial position to return the deposits so that the depositors do not have to worry. This has brought some relief to the bank depositors.

News English Title: RBI cancel license of Kolhapur based Subhadra local area bank news updates.