शेतकऱ्यांच्या खात्यात २००० टाकून खतांचे भाव ६० टक्क्यांनी वाढवले | २००० दिले ६००० खिशातून काढले | विरोधक आक्रमक

नवी दिल्ली, १८ मे | केंद्र सरकारने खताच्या किमतीत वाढ केली आहे. त्याची राष्ट्रवादीचे अध्यक्ष शरद पवार यांनी गंभीर दखल घेतली आहे. पवारांनी थेट केंद्रीय रसायन आणि खते मंत्री सदानंद गौडा यांना पत्र लिहून खतांच्या किमतीतील दरवाढ मागे घेण्याची मागणी केली आहे. आधीच कोरोनाच्या संकटाने शेतकरी होरपळून निघालेला असताना ही दरवाढ म्हणजे शेतकऱ्यांच्या जखमेवर मीठ चोळण्याचा प्रकार आहे, अशी टीकाही शरद पवारांनी केली आहे.

पेट्रोलच्या किमती शंभर पार असताना केंद्र सरकारने खतांच्या किंमती वाढवून सामान्यांना वेठीस धरल्याची टीका विरोधकाकडून होत आहे. एकीकडे कोरोना लॉकडाऊनमुळे शेतकरी संकटात असताना खतांच्या किंमतीत वाढ करुन शेतकऱ्यांना आणखी संकटात टाकण्याचं काम केंद्र सरकारने केलंय. त्यामुळे, विरोधकांनी मोदी सरकारला लक्ष्य केलंय. आता, खुद्द शरद पवार यांनीही या दरवाढीची दखल घेत केमीकल आणि फर्टीलायजर मंत्री सदानंद गौडा यांना पत्र लिहून शेतकऱ्यांची व्यथा मांडली आहे. तसेच, या दरवाढीकडे आपण गांभीर्याने पाहून शेतकऱ्यांना दिलासा द्यावा, अशी विनंतीही केली आहे.

The second wave of #COVID19 Pandemic has impacted heavily on our people, devastating their every means of livelihood. The farming community is reeling under one of the worst ever crisis and their issues need to be addressed immediately.@DVSadanandGowda @PMOIndia pic.twitter.com/IHw0pBhpIJ

— Sharad Pawar (@PawarSpeaks) May 18, 2021

तसेच मुंबई काँग्रेसचे अध्यक्ष भाई जगताप यांनी देखील याच विषयाला अनुसरून मोदी सरकारवर टीका केली आहे. यासंदर्भात बोलताना त्यांनी शेतकऱ्यांना नुकत्याच देण्यात आलेल्या किसान सन्मान निधीवरून देखील टोला लगावला आहे. आमदार भाई जगताप यांनी ट्विट करताना म्हटलं आहे की, “शेतकऱ्यांच्या खात्यात ₹२००० टाकून खतांचे भाव ६०% नी वाढवले… २००० दिले ६००० खिशातून काढले… अच्छे दिन..!!

शेतकऱ्यांच्या खात्यात ₹२००० टाकून खतांचे भाव ६०% नी वाढवले…

२००० दिले ६००० खिशातून काढले…

अच्छे दिन..!!

— Bhai Jagtap – भाई जगताप (@BhaiJagtap1) May 17, 2021

News English Summary: The central government has increased the price of fertilizer. NCP president Sharad Pawar has taken serious note of this. Pawar has written a letter directly to Union Chemicals and Fertilizers Minister Sadanand Gowda demanding withdrawal of the hike in fertilizer prices.

News English Title: Salt rubbed farmers wounds reverse decision of fertilizer price hike NCP president Sharad Pawar letter to union ministers news updates.