मुकेश अंबानी आणि रिलायन्सवर सेबीकडून 40 कोटींचा दंड

मुंबई, २ जानेवारी: प्रसिद्ध उद्योगपती मुकेश अंबानी आणि त्यांच्या रिलायन्स इंडस्ट्रीज कंपनीवर सेबीने 40 कोटींचा दंड ठोठावला आहे. 2007मध्ये रिलायन्स पेट्रोलियम लिमिटेडने (आरपीएल) शेअर बाजारात कथित गडबड केल्याचा आरोप ठेवण्यात आला असून त्यानुषंगाने ही कारवाई करण्यात आली. याप्रकरणी सेबीने आरपीएलवर 25 कोटी आणि मुकेश अंबानींसह इतर दोन कंपन्यांवर 15 कोटींचा दंड ठोठावला आहे. (SEBI imposed penalty on Reliance group and Mukesh Ambani)

आरपीएल आणि अंबानींशिवाय नवी मुंबई सेज प्रायव्हेट लिमिटेडवर 20 कोटी आणि मुंबई सेज लिमिटेडवर 10 कोटींचा दंडही ठोठावण्यात आला आहे. हे प्रकरण 13 वर्षांपूर्वीचं म्हणजे 2007मधील आहे. आरपीएलच्या शेअरच्या रोख आणि फ्युचर खरेदीत मोठी गडबड झाली होती. कंपनीने मार्च 2007मध्ये आरपीएलमधील 4.1 टक्के भागीदारी विकण्याचा निर्णय घेतला होता.

सदर प्रकरणी सेबीचे अधिकारी बी. जे. दिलीप यांनी 95 पानांच्या आदेशपत्रात कोणाला किती दंड आणि त्याची कारणे या संदर्भात सविस्तर माहिती नमूद केली आहे. गुंतवणूकदारांच्या हितांचे रक्षण करण्यासाठी तसेच भविष्यात अशी पुनरावृत्ती होऊ नये यासाठी सर्वांनाच योग्य तो इशारा देण्याकरिता सेबीने दोषींना दंड भरण्याचा आदेश दिला. रिलायन्स पेट्रोलियम लिमिटेड कंपनीच्या नोव्हेंबर 2007 मध्ये झालेल्या शेअरच्या व्यवहारांमध्ये घोटाळा केल्याप्रकरणी सेबीने ही दंडात्मक कारवाई केली आहे. (SEBI has taken punitive action for fraudulent transactions in shares of Reliance Petroleum Limited in November 2007)

News English Summary: SEBI has slapped a fine of Rs 40 crore on renowned industrialist Mukesh Ambani and his Reliance Industries company. In 2007, Reliance Petroleum Limited (RPL) was accused of tampering with the stock market. SEBI has imposed a fine of Rs 25 crore on RPL and Rs 15 crore on two other companies, including Mukesh Ambani.

News English Title: SEBI imposed penalty on Reliance group and Mukesh Ambani news updates.