नरेंद्र + देवेंद्र = वसुली केंद्र | इंधन दरवाढीच्या निषेधात शिवसेनेची निदर्शनं

मुंबई, ०५ फेब्रुवारी: एकीकडे वीजबिलाच्या मुद्यावरुन भाजप महाविकासआघाडी सरकारच्या विरोधात आक्रमक झालेला पाहायला मिळत आहे तर दुसरीकडे इंधन दरवाढीविरोधात शिवसेनेकडून राज्यभर केंद्र सरकारच्या विरोधात आंदोलन केले गेले. राज्यभर मोदी सरकारच्या विरोधात शिवसेना रस्त्यावर उतरलेली पाहायला मिळाली. शिवसेनेकडून जागोजागी निदर्शनं करण्यात आली. कुठे दुचाकीची अंत्ययात्रा तर कुठे बैलगाडी मोर्चा काढून मोदी सरकारचा निषेध करण्यात आला.

कृषी क्षेत्रात पायाभूत सुविधांचे निर्माण आणि विकास करण्यासाठी केंद्रीय अर्थमंत्री निर्मला सीतारामन यांनी २०२०-२१ च्या अर्थसंकल्पात पेट्रोल-डिझेलवर कृषी अधिभार लावण्याची घोषणा केली. आधीच पेट्रोल, डिझेलच्या किंमती गगनाला भिडल्या आहेत. याविरोधात आज मुंबईत शिवसेनेने केले. ‘केंद्र सरकार तुपाशी, ग्राहक मात्र उपाशी, नरेंद्र + देवेंद्र = वसुली केंद्र, अब कि बार पेट्रोल १०० पार’ अशा घोषणा दिल्यात.

Maharashtra: Shiv Sena workers hold protest over fuel prices in Mumbai. pic.twitter.com/ZOXpCeE8Y2

— ANI (@ANI) February 5, 2021

शिवसेनेकडून इंधन दरवाढी विरोधात आंदोलन करत केंद्र सरकारचा निषेध व्यक्त केला गेला. मुंबईतील दादर, गिरगाव, भायखळा , वडाळा, वांद्रे याभागात मोठ्या संख्येने सेनेच्या कार्यकर्त्यांनी आंदोलनात सहभागी होऊन केंद्र सरकार विरोधात घोषणाबाजी केली. भायखळा भागातील आंदोलनात महापौर किशोरी पेडणेकर यांनी बैलगाडीत बसून या आंदोलनात इंधन दरवाढी विरोधात निषेध व्यक्त केला.

News English Summary: On the one hand, the BJP has been aggressive against the Mahavikasaghadi government on the issue of electricity bills, while on the other hand, the Shiv Sena has staged agitation against the central government across the state against the fuel price hike. Shiv Sena was seen taking to the streets against the Modi government across the state. Shiv Sena staged demonstrations in various places. The Modi government was protested by a two-wheeler funeral procession and a bullock cart morcha.

News English Title: Shiv Sena party workers hold protest over fuel prices in Mumbai news updates.