झोपडी पाडल्यापासून SRA प्रकल्पातील घरे ५ वर्षांनी विकता येणार | लवकरच नियमात बदल

मुंबई, 13 मार्च: SRA प्रकल्पातील सदनिका ५ वर्षांनी विकण्याची मुभा देतानाच हा कालावधी झोपडी पाडल्यापासूनचा गृहीत धरावा, यासाठी लवकरच नियमात बदल करण्यात येणार असल्याचे गृहनिर्माण मंत्री जितेंद्र आव्हाड यांनी शुक्रवारी सांगितले. म्हाडा व एसआरएच्या संयुक्त विद्यमाने कोळीवाडे वगळता मुंबईतील किनाऱ्यालगतच्या झोपडपट्टयांच्या विकासाबाबत दीड महिन्यात धोरण तयार करणार असल्याचे देखील गृहनिर्माण मंत्री जितेंद्र आव्हाडांनी सांगितले. (rules would be changed soon so that the period from demolition of huts should be taken into account while allowing the sale of flats in the SRA project after 5 years said minister Jitendra Awhad)

याबाबत ते प्रसार माध्यमांशी सविस्तर बोलताना म्हणाले, सध्या इमारत बांधल्यानंतर पाच वर्षांपर्यंत घर विकता येत नाही. अनेक प्रकल्प पूर्ण व्हायला पाच ते दहा वर्षांचा कालावधी लागतो. म्हणून झोपडी पाडल्यापासून पाच वर्षांनी एसआरएतील घर विकण्याचा निर्णय लवकरच होणार आहे. इमारत बांधल्यानंतरचा जो पाच वर्षांचा नियम आहे तो नियम बदलून त्याची झोपडी पडल्यानंतर त्याला ते घर पाच वर्षांनंतर विकता आले पाहिजे.

कोणतीही एसआरएची योजना ही 10- 15 वर्षांच्या अगोदर तयार होत नाही. त्यामुळे त्याला घर मिळायला 15 वर्षे लागतात आणि नंतर विकायला आणखी पाच वर्षे. यामुळे घर मालकाची अडचण होते. यावर तोडगा काढण्यासाठी समिती नेमण्यात आली आहे. तसेच बीडीडी चाळीच्या पुनर्विकासाचा शुभारंभ या महिन्यात होणार असून तीन ते चार वर्षांत काम पूर्ण होईल असेही आव्हाड यांनी सांगितले.

News English Summary: Housing Minister Jitendra Awhad said on Friday that the rules would be changed soon so that the period from demolition of huts should be taken into account while allowing the sale of flats in the SRA project after 5 years. Jitendra Awhad also said that MHADA and SRA would jointly formulate a policy on the development of coastal slums in Mumbai except Koliwade in a month and a half.

News English Title: SRA project home will be eligible for sale after 5 years demolition of huts said Jitendra Awhad news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.