YES बँकेची संकटातून सुटका करण्यासाठी SBI'ला हुकूम - पी चिदंबरम

नवी दिल्ली: आजारी येस बँकेला मदत करण्याच्या स्टेट बँक ऑफ इंडियाच्या निर्णयावर वरिष्ठ काँग्रेस नेते आणि माजी अर्थमंत्री पी. चिदंबरम यांनी शंका उपस्थित केली आहे. येस बँकेची या संकटातून सुटका करण्यासाठी एसबीआयला हुकूम देण्यात आल्याचे माझे मत आहे असे चिदंबरम पत्रकार परिषदेत म्हणाले.

चिदंबरम म्हणाले, “येस बँकेचे लोन बुक २०१४ ते २०१९ च्यादरम्यान पाच पटीने वाढले. २०१४ मार्चमध्ये लोन बुक रक्कम ५५ हजार कोटी रुपये होती, त्यामध्ये मार्च २०१९ मध्ये वाढ होऊन २ लाख कोटीहून अधिक झाली. फक्त दोन वर्षांत ९८ हजार कोटींची वाढ होऊन २ लाख कोटींपेक्षा जास्त झाली.

पुढे ते म्हणाले की, “ज्याप्रमाणे एलआयसी स्वेच्छेने आयडीबीआय बँकेची सुटका करण्यासाठी तयार नव्हती, तसेच एसबीआय सुद्धा येस बँकेच्या सुटकेसाठी स्वेच्छेने तयार आहे असे मला वाटत नाही. एसबीआयला तसे निर्देश देण्यात आले आहेत” असे चिदंबरम म्हणाले. आर्थिक संस्थांमध्ये भाजपा सरकारच्या गैरव्यवस्थापनामुळे ही परिस्थिती ओढवल्याचा आरोप चिदंबरम यांनी केला.

Former Finance Minister & Congress leader P Chidambaram: Simultaneously, State Bank of India (SBI) should make every effort to recover as much as possible of the outstanding loans of Yes Bank. https://t.co/6aDaYFUmc0

— ANI (@ANI) March 7, 2020

दरम्यान, YES बँकेला आर्थिक संकटातून बाहेर काढण्यासाठी आता भारतीय स्टेट बँक पुढे सरसावली आहे. एसबीआयचे चेअरमन रजनिश कुमार यांनी पत्रकार परिषद घेतली. यावेळी त्यांनी एसबीआय YES बँकेत तब्बल २४५० कोटी रुपयांची गुंतवणूक करणार असल्याचं सांगितलं. तसेच, एसबीआय YES बँकेत ४९ टक्के गुंतवणूक करु शकते, असंही त्यांनी सांगितलं.

SBI will be issued 245 crore shares of Yes Bank at a price of Rs 10 each for Rs 2,450 crore: Statement

— Press Trust of India (@PTI_News) March 7, 2020

News English Summery: Senior Congress leader and former finance minister P Chidambaram on the State Bank of India’s decision to help the ailing Yes Bank. Chidambaram has raised doubts. Chidambaram told a press conference that SBI has been ordered to relieve Yes Bank from the crisis. Chidambaram said, “Yes Bank’s loan book increased five times between 2014 and 2019. Loan book amount was Rs 55000 crore in March 2014, of which it increased to more than 2 lakh crore in March 2019.

Web News Title: Story Modi Government is forcing SBI to make investment in YES bank says former Finance Minister P Chidambaram.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.