सरकारने मला परवानगी दिली तर मी पेट्रोल-डिझेल ३५-४० रुपयांना विकेन

नवी दिल्ली : केंद्रातील मोदी सरकारने मला परवानगी दिली तर मी पेट्रोल-डिझल ३५ ते ४० रुपये प्रति लिटर दराने विक्री करु शकतो असं धक्कादायक विधान योग गुरू बाबा रामदेव यांनी केलं आहे. सरकारने जर मला केवळ करामध्ये थोड्याफार प्रमाणात सवलत दिली तर मी ते शक्य करू शकतो, असं रामदेव म्हणाले आहेत.

एनडीटीव्ही’ला दिलेल्या एका मुलाखतीत त्यांनी हे वक्तव्य केलं आहे आणि मोदी सरकारला पेट्रोल आणि डिझेलचे दर नियंत्रणात आणणे शक्य असल्याचे निदर्शनास आणून सरकारला कात्रीत पकडलं आहे. दरम्यान, वाढत्या पेट्रोल आणि डिझेलच्या दरांमुळे महागाई मोठ्या प्रमाणावर वाढत असल्याने त्याचा सरकारला मोठा फटका सरकारला बसू शकतो, असं सुद्धा बाबा रामदेव यांनी सूचित केलं आहे. लवकरच निवडणूक येणार असून त्यापूर्वीच सरकारने दर कमी करणे आवश्यक आहे. तसेच केंद्र सरकारने इंधनाला जीएसटीच्या कक्षेमध्ये आणावं असंही ते म्हणाले.

काही दिवसांपूर्वी बाबा रामदेव यांनी मोदी सरकारवर महागाईवरून सडकून टीका केली होती आणि भारतीय चलनाच्या घसरत जाणाऱ्या किमतीवरून सरकारची अब्रू चव्हाट्यावर मांडली होती. भारतीय रुपयाची आंतरराष्ट्रीय बाजापेठेतील ही अवस्था बघून आता लाजेलाही लाज वाटत असेल, अशा शब्दात त्यांनी मोदी सरकारची पोलखोल केली होती.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.