१० वी आणि १२ वीच्या विद्यार्थ्यांसाठी​​​​​​​ | सरावासाठी प्रश्नसंच इथं ऑनलाईन उपलब्ध

मुंबई, १६ मार्च: दहावी, बारावीच्या परीक्षा पुढे ढकलण्याची मागणी पालक व विद्यार्थ्यांकडून होत असताना राज्य शिक्षण मंडळाने शुक्रवारी दहावी , बारावीच्या परीक्षेचे अंतिम वेळापत्रक जाहीर केले. त्यानुसार बारावीची परीक्षा २३ एप्रिल ते २१ मे तर दहावीची परीक्षा २९ एप्रिल ते २० मे दरम्यान होणार आहे. त्यासाठी, विद्यार्थ्यांची तयारीही सुरू झाली आहे. दरम्यान, विद्यार्थ्यांना सरावासाठी प्रश्नसंच ऑनलाईन उपलब्ध करुन देण्यात आले आहेत. स्वतः शिक्षणमंत्री वर्षा गायकवाड यांनी या संदर्भात अधिकृत माहिती दिली आहे.

बारावी बोर्डाच्या प्रात्यक्षिक परीक्षांच्याही तारखा जाहीर करण्यात आल्या असून बारावीची प्रात्यक्षीक परीक्षा ५ ते २२ एप्रिल तर दहावीच्या प्रात्यक्षिक परीक्षा या १२ ते २८ एप्रिलदरम्यान होणार आहेत. परंतु, बोर्डाची नियमित परीक्षाही ऑफलाईन पद्धतीने घेतली जाणार आहे. त्यासाठी, सरावास म्हणून विद्यार्थ्यांना प्रश्नसंचही उपलब्धन करुन देण्यात आले आहेत.

कोणत्या माध्यमातून परीक्षा घेण्यात यावी किंवा परीक्षा पद्धती काय असावी, या प्रश्नाला ६१ टक्के विद्यार्थ्यांनी ऑनलाईन परीक्षा घ्यावी, असा प्रतिसाद दिला. २० टक्के विद्यार्थ्यांना कशीही परीक्षा घेतली तरी चालेल, तर १९ टक्के विद्यार्थ्यांनी परीक्षा लेखीच असावी, असे मत व्यक्त केले. परीक्षा लेखी झाल्यास केंद्रापर्यंत पोहोचण्यासाठी वाहतुकीची सुविधा नसल्याचे ५३ टक्के विद्यार्थ्यांचे म्हणणे आहे. एप्रिल – मे महिन्यांत लेखी परीक्षा घेण्याबाबत ७९ टक्के विद्यार्थ्यांनी समाधानी नसल्याचे नमूद केले. परीक्षेसाठी अजून अभ्यासक्रम कमी करावा, असे मत ८४ टक्के जणांनी नोंदवले.

दहावीचे प्रश्नसंच डाउनलोड – इथं क्लीक करा

बारावीचे प्रश्नसंच डाउनलोड – इथं क्लीक करा

News English Summary: The State Board of Education on Friday announced the final schedule of Class X and XII examinations amid demands from parents and students to postpone the Class X and XII examinations. Accordingly, 12th standard examination will be held from 23rd April to 21st May and 10th standard examination will be held from 29th April to 20th May. For this, the preparation of students has also started. Meanwhile, question sets have been made available online for students to practice. Education Minister Varsha Gaikwad herself has given official information in this regard.

News English Title: Question sets have been made available online for 10th and 12th standard students to practice news updates.