Bigg Boss Marathi | 'हे अरबाजचे कपडे आहेत फेकून द्या', निक्कीला मिळाला गुलिगत धोका, आई म्हणाली.. - Marathi News

Bigg Boss Marathi | बिग बॉसचे यंदाचे पर्व प्रचंड गाजत आहे. अनेक प्रेक्षक मोठ्या आवडीने बिग बॉस मराठी हा शो पाहण्यास पसंती दर्शवत आहेत. बिबिंच्या घरात सर्व सदस्यांचे कुटुंबीय त्यांना भेटून गेले. कोणाला आपल्या लेकीला पाहून आनंद झाला तर कोणाला आपल्या बहिणीला पाहून रडू अनावर झालं. बिग बॉसच्या घरातील हा कौटुंबिक सोहळा पाहण्यास प्रेक्षकांना फार आवडलं. प्रत्येकाच्या कुटुंबीयांनी घरामधील राहणाऱ्या सदस्यांना छान खेळा आणि ट्रॉफी आपल्या घरी घेऊन या अशा प्रकारचे सल्ले दिले.

परंतु निक्कीच्या आईने एक शॉकिंग गोष्ट सांगून निक्कीला डिप्रेशनमध्ये टाकलं आहे. निक्कीचे आई-वडील घरात येताच निक्की ढसाढसा रडायला लागते. तिला तिच्या बाबांना पाहून फारच आनंद झालेला असतो. परंतु निक्कीच्या आईने अरबाजबद्दल एक मोठा गुपित निक्कीसह सर्व प्रेक्षकांना सांगितलं आहे.

असं म्हणाली निक्कीची आई :
निक्कीच्या आई-वडिलांनी घरामध्ये एन्ट्री घेतल्यानंतर आणि संपूर्ण घर पाहिल्यानंतर बिग बॉस सर्व सदस्यांना रिलीज करतात. त्यानंतर सगळेजण पिकनिक स्पॉटवर बसून गप्पा मारू लागतात. सर्वचजण निक्कीच्या आई-वडिलांबरोबर बोलण्यात व्यस्त असतात. तितक्यात अरबाजचा विषय निघतो.

त्यादरम्यान निक्कीला थोड वेगळं वाटतं आणि ती तिच्या आईला सगळ्यांपासून दूर घेऊन जाते. त्यानंतर तिची आई तिला सांगते की,”अरबाज चुकीचा चाललाय त्याने असं नाही करायला पाहिजे त्याचा एंगेजमेंट झालेलं आहे”. आईने असं सांगितल्याबरोबर निक्कीला आश्चर्याचा धक्का बसतो. ती आईला विचारते कोणाचं, तेव्हा तीची आई म्हणते अरबाजचं. त्यानंतर बिग बॉस निक्कीच्या आई-वडिलांना घराचा निरोप घ्यायला सांगतात.

पुढे जानवीबरोबर संवाद साधताना निक्की म्हणाली की,”आता मी सांगते बिग बॉस यांना की, जर तो आला तर मी मेंटली पागल होईल जे अरबाज निक्की होतं ना इट्स ओवर”. असं निक्की ठणकावून म्हणते. निक्कीच्या अशा वक्तव्यावर नेटकऱ्यांनी तिला पुन्हा एकदा चांगलं ट्रोल केल्याचं पाहायला मिळतंय. अनेकांनी कमेंटमध्ये आपापल्या प्रतिक्रिया कळवून निक्कीला टोले लगावले आहेत. पुढे निक्कीने अरबाजचे सर्व कपडे एका काळ्या पिशवीमध्ये भरून स्टोअर रूममध्ये ठेवले आहेत. त्यानंतर ती बिग बॉस यांना म्हणाली की,” बिग बॉस हे अरबाजचे कपडे आहेत ते त्याला परत करा किंवा फेकून द्या”.

घरात घुसणार राखी सावंत नावाचं वादळ :
अशातच बिग बॉसचा एक नवा प्रोमो वायरल झाला असून, अभिनेत्री राखी सावंत ही बिग बॉसच्या घरात धुमाकूळ आणि जबरदस्त कला करायला येणार आहे. यादरम्यानचा एक प्रोमो सोशल मीडियावर प्रचंड वायरल होत आहे. आल्याबरोबरच राखीने निक्कीला डोळ्यावर धरल्याचं पाहायला मिळालं. एपिसोडमध्ये आणखीन कोणकोणती गंमत होणार हे पाहणं उत्सुकतेच ठरणार आहे.

Latest Marathi News | Bigg Boss Marathi Nikki Tamboli mother told her about Arbaaz Patel engagement 28 September 2024 Marathi News.