हाफीज सईद तर संत वाटत असेल तुम्हाला? स्वरा भास्कर

मुंबई : भारतीय जनता पक्षाने भोपाळमधून साध्वी प्रज्ञा सिंह ठाकूर यांना उमेदवारी दिली आहे. भोपाळमध्ये मध्ये प्रदेशचे माजी मुख्यमंत्री दिग्विजय सिंह विरुद्ध साध्वी प्रज्ञा असा थेट सामना रंगणार आहे. परंतु मालेगाव बॉम्बस्फोटात आरोपी राहिलेल्या साध्वी यांना उमेदवारी दिल्याबद्दल अनेकांकडून टीका होत आहे. यात बॉलिवूड अभिनेत्री आणि आपल्या बेधडक वक्तव्यांसाठी प्रसिद्ध असलेल्या स्वरा भास्करनेही उडी घेतली आहे.

लोकसभा निवडणूक लढवणाऱ्या उमेदवारांच्या यादीत आणखी एका नावाची भर. संभाव्य दहशतवादी, मालेगाव बॉम्बस्फोटातील आरोपी साध्वी प्रज्ञा. द्वेष आणि विभाजनाच्या अजेंड्याबाबत भारतीय जनता पक्ष अत्यंत नग्न आहे,’ अशा शब्दांत स्वराने भारतीय जनता पक्षावर हल्लाबोल केला.

स्वराच्या या ट्विटवर एका शिवसेना नेत्याने आक्षेप घेत तिला ‘कन्हैय्याची आई’ असं म्हटलं. ‘भारत तेरे तुकडे वाला चालतो पण एक निर्दोष महिला नाही चालत. स्वरा अजून किती खालच्या स्तरावर जाणार, ही तर हद्द झाली,’ अशी टीका त्याने केली. स्वराने कन्हैय्या कुमार यांना पाठिंबा देत त्यांच्यासाठी प्रचारसुद्धा केला होता. यावरही स्वराने प्रत्युत्तर देत ट्विट केलं, ‘चाचाजी, मी कितीही खालच्या पातळीवर गेली तरी तुम्ही आणि तुमच्या संघवाद्यांच्या पातळीपर्यंत कधीच पोहोचू शकणार नाही. ही महिला तुम्हाला निर्दोष वाटते- वाह! मग तर तुम्हाला हाफिज सईद संत वाटत असेल? माफ करा, तो तर मुस्लीम आहे.’

चाचाजी जितना गिर जाऊँ, आप और आपके नफ़्रति संघी साथियों के नीचता तक कभी नहीं पहुँच पाऊँगी! और यह महिला आपको बेगुनाह लगतीं हैं- भाई वाह! तो हाफ़िज़ सईद संत लगता होगा? ओह sorry वो तो मुसलमान है! #TackySanghiTrolls https://t.co/yUlc6BD3jq

— Swara Bhasker (@ReallySwara) April 18, 2019

Latest addition to our scintillating list of MP contestants: a potential terrorist.. Malegaon blast accused Sadhvi Pragya.. BJP absolutely naked in its agenda of hate and divisiveness.. https://t.co/q5pD9NUi27

— Swara Bhasker (@ReallySwara) April 17, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.