Chhava on Box Office | 'छावा' सिनेमा 2025 मधील सर्वात मोठा हिंदी ओपनर ठरला, पहिल्याच दिवशी रेकॉर्डब्रेक कमाई

Chhava on Box Office | विकी कौशलच्या ‘छावा’ चित्रपटाने बॉक्स ऑफिसवर शानदार ओपनिंग केली आहे. प्रदर्शनाच्या पहिल्याच दिवशी या चित्रपटाने 31 कोटींची कमाई केली होती. यासह हा 2025 मधील सर्वात मोठा हिंदी ओपनर ठरला आहे.

विकी कौशलच्या चित्रपट कारकिर्दीतील हा सर्वात मोठा ओपनर ठरला आहे. ‘छावा’ने कलेक्शनच्या बाबतीत अक्षय कुमार आणि वीर पहाडिया यांच्या ‘स्काय फोर्स’ या चित्रपटाला मागे टाकले आहे.

विकी कौशलचा ‘छावा’ हा चित्रपट व्हॅलेंटाईन डेच्या दिवशी चित्रपटगृहात प्रदर्शित झाला होता. इंडस्ट्रीट्रॅकर सॅनिल्कने दिलेल्या माहितीनुसार, ‘छावा’ चित्रपटाने प्रदर्शनाच्या पहिल्याच दिवशी देशात 31 कोटींची कमाई केली आहे. मात्र, हा अंदाजित आकडा आहे. या चित्रपटाने आगाऊ बुकिंगमधून 13.79 कोटींची कमाई केली. या चित्रपटाचे दिग्दर्शन लक्ष्मण उतेकर यांनी केले आहे.

छावाने या चिंत्रपटांना मागे टाकलं
छावाच्या आधी 2025 चा सर्वात मोठा हिंदी ओपनर अक्षय कुमार आणि वीर पहारिया यांचा ‘स्काय फोर्स’ होता. या चित्रपटाने 15.3 कोटींची कमाई केली होती. प्रदर्शित होताच हा चित्रपट वादाच्या भोवऱ्यात सापडला होता. ट्रेड एनॅलिस्ट तरण आदर्श यांनी चित्रपट निर्मात्यांवर ब्लॉक बुकिंगचा आरोप केला. सॅनिल्कच्या म्हणण्यानुसार, या चित्रपटाने बॉक्स ऑफिसवर 111 कोटींपेक्षा जास्त कमाई केली. विशेष म्हणजे ब्लॉक बुकिंगमध्ये निर्माते संख्या वाढवण्यासाठी आणि देखावा सुधारण्यासाठी त्यांच्या चित्रपटांची तिकिटे विकत घेतात.

कलाकार आणि बजेट
या चित्रपटात विकी कौशल, रश्मिका मंदाना, अक्षय खन्ना, आशुतोष राणा, दिव्या दत्ता, विनीत कुमार सिंह, डायना पेंटी आणि संतोष जुवेकर यांसारखे कलाकार आहेत. या चित्रपटाचे दिग्दर्शन लक्ष्मण उतेकर यांनी केले आहे. मॅडॉक फिल्म्सच्या बॅनरखाली दिनेश विजान निर्मित या चित्रपटाची निर्मिती करण्यात आली आहे. ‘छावा’ चित्रपटाचे बजेट जवळपास 130 कोटी असून त्यापैकी 110 कोटी रुपये निर्मितीवर खर्च झाले होते, तर प्रमोशन बजेट 20 कोटी होते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.